Мало найдете людей меже нашыми карпаторусокыми емигрантами в Амерйкі, котры бы не чули за Карпаторусский Американский Центр в Н. И. То єсть наша Народна Будова, котра была поставлена при помочи всіх отділов и членов Л.С. не тилько в Соєдиненных Штатах, но и в Канаді. Каждого літа вы можете встрітити в К. А. Центрі краянов со всіх сторон Америкы — из штатов Калифорнии, Вашингтон и из далекых провинций Канады, як Альберта и Саскачеван. Люде приізжают на вакации отвидіти родину в восточных штатах и при той нагоді каждый старатся зайти до свойой Народной Будовы в Юнкерс, о котрой много читал в газетах и чул от знакомых.

Будинок К. Р. Ам. Центра был построєный в 1938 року, но окончательно был открытый аж в маю 1939 року. Будинок и устройство в середині — в галі и ресторані коштували около $85,000.00.

ИВАН МАЛЮТИЧ, Председатель К. Р. Ам. Центра

Тота сумма была собрана головно из пожичок от членов и отділов Л. С., а в меньшой части из добровольных жертв и членскых взносов. В момент открытия Центра в маю 1939 року на будові был долг на сумму $65,000.00. Но то были грошы нашых людей — моргич и приватны пожичкы. Правление К. Р. А. Центра не мусіло пожичати грошей из банку, бо свои люде мали таке довірие до Лемко-Союза и його лидеров, што на их призыв зложили по-требну сумму.

Два члены Л. С. дали первый моргич на 20 тысяч долларов. А решта сумма была собрана на долговы цертификаты от отдельных членов и от правления Л. С.

Сегодня майже всі приватны пожичкы членам были вернены разом с процентом. За цілый час К. Р. Американский Центр платил от моргича к приватных пожичок по 4%. Лем организации (отділы Л. С. и др.) не получали процентов. От 1939 до 1947 року К. Р. Ам. Центр звернул моргичу и приватных пожичок на $45,000.00, так што ныні на нашой Народной Будові остаєся ище долгу около $20,000.00, но то суть головно организацийны грошы. Напримір, головна касса Л. С. має моргич на будові К. Р. А. Центра на 10 тысяч.

Петр Банъковский

К. Р. Ам. Центр получає доходы из свого ресторану, из великой гали, яку рентує другым организациям и приватным особам на ріжны предприятия, и из пикников, якы устроюются на землі Центра. В будові Центра поміщаєся также редакция и типография Л. С., котрый платит рент за поміщение. Ресторан и велика галя приносят добры доходы. Минувшого року чистый доход из ресторана и гали был около 20 тысяч долларов.

К. Р. Ам. Центр был зачартерованый в штаті Нью Иорк як членска организация, а не на шерах. То значит, што доход не можна ділити меже шергольдеров, а тилько можна ужити на культурно-просвітительны и благотворительны ціли. В уставі К. Р. А. Центра, напримір, сказано, што из своих доходов Центр должен помагати нашым студентам. Згодно с тым параграфом свого устава К. Р. Ам. Центр послі уплаты приватных пожичок начал давати стипендии студентам в калледжах и университетах. Сейчас три нашы студенты получают Из Центра в виді стипендии беспроцентовы пожичкы на школу. Напевно в слідуючих роках такых стипендий правление Центра выдаст больше.

ЯРОСЛАВ КОВАН, Менажер Ресторана К. Р. А. Ц.

Велику галю К. Р. Ам. Центра нанимают на предприятия не тилько нашы карпаторусскы и русскы организации, но и чужы. Напримір, німецкы организации не тилько в Юнкерс, но в цілом Вестчестер Каунти уж ряд літ устроюют свои предприятия постоянно в нашом Центрі. Так само итальянцы на цілой околиці знают галю К. Р. Ам. Центра, бо устроюют в ней свои организацийны и приватны забавы (головно весіля). Кромі того, ріжны американекы компании, робочы юний и общества нанимают галю Центра на всякы предприятия и объявляют о том в своих газетах. В виду того имя К. Р. Ам. Центра знано широко не лем меже нашым народом, но и меже чужыми.

Ділами К. Р. А.. Центра завідує уряд, из 7 членов: председатель, містопредсідатель, секретарь, кассир и три тростисты. Уряд выбираєся на рочных собраниях членов. Членскы собрания Центра отбываются каждого року при конці мая або в началі июня.

Членом К. Р. Ам. Центра може быти индивидуальна особа и организация (отділ, братство, парафия). Членский взнос єсть 25 долларов на всю жизнь. Сейчас К. Р. Ам. Центр числит понад 500 членов.