Карпаторусскы Молоды Танцоры — Н. А. Цисляк
YoungDancers
Танцоры Карпаторусской группы в Нью Йорку вокруг учителькы
Анны Балаш.


В своєм стремлении показати культурне лице народного житья, лемковска емиграция в Америкі организовала Лемко-Союз. Кромі политично-економичных цілей, Лемко-Союз в своєм фундаменті ставил культурно-просвітительне поднесение. В житью такой организации невозможно и крока зробити без кружков самообразования, лекций, школ, народного театра, танцов, музыкы, спорта и др. Лем така діятельность забезпечує существование и розвитие организации, єй культурну сторону житья. Благодаря такым отділам, котры порозуміли то и выполняют указанны задачы, Лемко-Союза змог выполнити свои ціли и розвитися до видимой нами днеска степени. Одным из такых отділов єсть молодый Лемко-Союз на горі міста Нью Йорка ч. 10. При том невеличком отділі от початку дійствовал активно театральный кружок, котрый задоволял потребы свого и сусідных отділов. Штобы пополнити и урозмаитнити його діятельность, а частично перенести культурне розвитие на молоде карпаторусске поколіние, при отділі основано діточу танцорску школу. Як всім відомо, Нью Йорк єсть культурном метрополиом світа, он должен быти и культурным центром нашой эмиграции.


Two-Step
“РУССКИЙ ТУ-СТЕП”
Наймолодша группа танцоров: Петриця Сайдра, София Цисляк, Мария Глинка и Мария Адамяк.

Поводом до основания такой школы был призыв с Карпаторусской Радио Программы 4 сентября 1944 р. Бывший предсідатель отділа Онуфрий Юнак принял призыв глубоко до сердця и во што бы ни стало рішил приступити к организации такой школы. Он принялся так щиро за роботу, што к новому року, 1 января 1945, первый свой выступ группа дала в Карпаторусском Центрі в Юнкерс. С того часу почалася поступова кариєра танцорской группы, котра не лем веселит публику и розвиват свои таланты, но сталася гордостью цілого нашого народа и здобыла собі славу и популярность меже чужыми.


Sword Dance
“ТАНЕЦ 3 МЕЧАМИ”
Иван Найдух, Виктория Балаш и Иван Ксенич.

В первом року группа выступала на нашых карпаторусскых сценах в Нью Йорку и околици, а тоже в свойом дистрикті про солдатскы и благотворительны американекы организации. Уж тогды видно было открываючуся світлу будучность танцорского кружка. Представители великой американской организации “Американска Молодеж — Молодежи Европы” запросили нашу группу выступити в славной на весь світ Карнеги Голл в Нью Йорку, на день 2 марта 1946 р. В концерті, в котром выступали профессиональны силы, ученикы нисшых и высшых школ, выступила и наша группа с напричуд добрым успіхом, за котрым, як видно, занавіс не затягнулся. Присутны на том концерті представители Русского Релифа телеграфично запросили нашых танцоров на свой всенациональный праздник до Мангаттан Центер — на неділю 2 юня, 1946 р. На том предприятию нашы танцоры загорнули про себе найсильнійшу бурю апплодиментов многотысячной публикы. Не наміряючи перехвалювати танцоров, отведу вашу увагу на то, што говорил в свойом писмі подякы директор народностных групп при Русском Релифі. (Дословный переклад):


Лемко-Союз ч. 10:
Уважаемы Господа:

Под восторг и рукоплескы, котры сопровождали выступление карпаторусскых танцоров вчера, желаю выразити вам и танцорам невысказанну подяку за их воодушевляюче выступление. Всі присутны в один голос выражалися с великом похвалом о них. Я знаю, што тота признательность хоц лем в даякой части вынагородит вам и танцорам за час и труды на Всенародном Фестивалі. С уважением к Вам.

Биллям Митчелл,
Директор Русс. Релифа.

Успіх розвития школы в первой мірі треба приписати талантливой учителькі Анні Балаш, по матери Глинка, донькі нашых краянов з Литмановы. Анну Балаш мы виділи малым дівчатком в музыкальной группі Спишскых Дітей в нашом календарю на 1938 р. Помимо своих студий (она посіщат вечерный калледж) и роботы, она приняла на себе учительство танцев и, як добрый майстер свого таланту, веде науку с указанным успіхом. Говорит народна пословица: “Не тот майстер, што с готового зробит добре, а тот што с планного”. Анна не выберала лем талантливы діти, она школувала такы, якы были у родичов, и якых родиче привели. Не всі діти єднако способны до танцев, и добитися с ними успіха, який видиме, то добрый доказ способности учителя. Особливости у Анны тоты, што она не копиює танці, а перетворює их в новы, котрых никто не виділ, а котры любятся и ученикам и публикі.


Cossack
“КОЗАК”
Иван Найдух, Анна Балащак, а на переді Михал Беньо и Ольга Жигаль.

Послі літного перерыва, танцорска группа начала свои пробы 11 сентября 1946 р. В группі бере участь около 20 танцоров из вышного и нижного Нью Йорка, Бронкс и Бруклина. Вік дітей-учеников от 6 до 15 літ. Дітям такого взроста звыкло чудуватися на тот новый для них світ, котрый они познают. Но с дітми в танцорской группі наоборот. На их штуку, на способности тых маленькых танцоров, дивуєся доросла публика, котра уж всякы чуда на світі виділа, и любуєся их молодым выпрактикуванным розумикам. А для родичов то правдива радость, а с тым и надгорода за их труды и выдаткы на воспитание дітей. Коли смотриме на свои діти в часі выступления, наше чувство в голос говорит: “Ничого не пожалуєме для розвития молодых жизней. Най видят люде и най видит світ, што и у найбіднійшого племени, в среді трудового народа, єсть великы таланты и тяга к культурному житю”.


Николай Цисляк,
Предсідатель Танцорской Школы.



[BACK]