Урал

Меж середньом смугом СССР и Дальным Востоком лежит один из найбогатшых районов краины — Урал. Його заслужено называют золотым крайом СССР.

Великий Сталин сказал про Урал, што он “становит комбинацию богатств, якой немож найти ни в одной крайні. Руда, уголь, нафта, хліб, — чого лем ніт на Уралі.”

В рокы сталинскых пятиліток на Уралі и в Кузнецком бцссейні, за указаниями Сталина, створено могучу угольно-металлургичну базу, побудовано заводы-великаны. То — машинобудовельный завод в Свердловскі, Челябинский тракторный и металлургичный заводы, Магнитогорский и Кузнецкий заводы, што працуют на місцевом суровці.

В рокы Отечестренной войны Урал стал основным арсеналом Отчизны; он ковал для Красной Армии найрозмаитшу зброю — от танков и самолетов до карабинов. Ту было перебазовано много оборонных предприятий с индустриальных центров краины, тымчасово захваченных врагом. Ту, на новом місці быстро розвернулися и почали выпускати продукцию для фронта десяткы великых украинскых предприятий.

В рокы войны промышленность Урала досягла выняткового розвития. Дост сказати, што за тот час ту майже подвоилася добыча угля; зокрема, створено нову паливно-енергетичну базу — Волчанский угольный розріз мощностью в 2 млн т. добычи на рок. В 1944 року на Уралі было введено в дійствие осем раз больше турбин и в десят раз больше котлов, як в мирном 1940 року.

Урал — край невиданной природной красоты. В місцевых лісах, што тянутся на сотни километров, водятся в великой сколькости медведи, олены, білкы, лоси, якых ніт в другых місцах СССР.




[BACK]