Львов

Львов — стародавный русский город, його основал 700 літ тому русский князь Данило Галицкий, назвавши так в честь свого сына Льва. Майже 150 літ Львовом владіла Австро-Венгрия; в 1919 року його захватила польска шляхта. Но не удалося иноземным поневолювачам зробити Львов своим містом. Велике число памятников припоминат о кровной связи города с Русью. Во Львові похороненный первый печатник книг на Руси — Иван Федоров; 400 роков тому он печатал ту свои книгы. На Личаковском цминтарі города похоронено великого каменяра земли украинской Ивана Франка.

В осени 1939 року, послі освобождения краю Красном Армиом, в стародавнем Львові собралося Народне Собрание, яке проголосило незахвійну волю народа Западной Украины назавсе воссоєдинитися со свойом матерью — Совітском Украином, ввойти в склад СССР.

Майже три рокы грабили город, вынищували його людей німецко-фашистскы наіздникы. Войска маршала Конева своим навальным наступом спасли Львов от серьозных разрушений. Сохранилися його чудесны будовы — университет, политехничный институт, опера — украшения стародавного города, одного из найкрасшых на Украині. 27 юля 1944 р. Львов знов стал свободным, назавсе совітскым. Быстро почалося його возрождение, розвитие промышленности и культуры.




[BACK]