Михаил Иванович Калинин — А. Назаров

Михаил Иванович Калинин

В одной из своих книг Михаил Иванович Калинин приводит такий епизод. В 1917 року, скоро послі Октябрьской социалистичной революции, петроградскы робочы избрали го городским начальником. Облеченный довірием народа, новый городский голова пришол в Городску управу як раз, в тот момент, коли там отбывалося засідание и весь есеровский квіт был присутный.

Як правдивый представитель революцийного народа, Михаил Иванович, вошовши в галю, звернулся к присутным:

— Я, избранный на основании загального ровного и пр. петроградским городским головою, прошу вас сложити свои полномочия и оставити поміщение.

В отповідь роздался шумный, саркастичный хохот.

— Смотте, смотте, — зашипіли, завискали вколо, — городский голова, який городский начальник! Ха-ха-ха! “... Их смішило, — вспоминат о том епизоді Михаил Иванович, — тото, што партия бере человіка прямо с завода, ставит на таку роботу, котра являтся монополиом привилегиованной касты.”

То не жарт, коли в святоесвятых буржуазно-дворянского общества — в органы управления — ворвался простый чоловік, який николи предтым не участвовал в управлении державом, а до того ище большевик! Ци не безличность?!

Так, родословня М. И. Калинина не записана в так званой “Бархатной книгі”, куды записувалися назвиска знатных людей Российской империи. Тото правда. його предкы — просты рядовы люде, основом житя котрых был все тяжкий труд, вычерпуючий труд — єдине жерело истнования, передававшийся по наслідству из поколіния в поколінне.

Михаил Иванович родился в бідной селянской родині, в селі Верхняя Троица, Тверской губернии (ныні Калининской области). Цілый рухомый маєток його отца складался с коня, коровы и одной овцы. Стара хижа розміром 7х7 локтей была куплена по нагоді за 36 рублей.

Дітскы рокы он збавил в ровном селі. Ту также он почал двою науку у старика — отставного солдата, затым в сельской школі. По скончению той школы поміщик Болтовский взял Михаила Ивановича в свою родину “мальчиком в услужение” и в 1889 року увез в Петербург.

Ище находячись в сельской школі, подросток Калинин набрал охоты до читания, открывши великы способности и упорне желание учитися. С приіздом в столицу тото стремление к наукі ище больше усилилося. С жаждом читал он газеты, книжкы.

“В газетном материалі, — вспоминал М. И. Калинин, — мене больше всего интересовали отділы дипломатии и политики. Розумієся, мое учение было в высшей степени безсистемно, головно читал тото, што попало под руку и што было в библиотекі моих панов. Меж иншым, с дуже молодого віку я почал знакомитися с нелегальном литературом, як “Полярна Звезда” — Герцена и другы революцийны подпольны издания... Из легальной литературы, покаль я жил у Болтовскых мальчиком, я прочитал русскых классиков майже полностью и цілый ряд научных трудов, як “Жизнь животных” Брема, Джона-Стюарта Милля и т. д. Одним словом, учение шло вроссыпну, от философии до беллетристикы, и коли я поступил на завод, литературно был уж довольно грамотным.”

В 1893 року Калинин поступил робочим на завод “Старый арсенал”. Получал 8 рублей в місяц. Того старчило лем на полуголодне истнование. Но и из тых 8 рублей Калинин ухитрялся уділити часть грошей на покупку газет и журналов. На “Старом арсеналі” он первый раз познал и выпробовал на собі житя и положение робочого класса, котры он потом описал в свойой книгі “Что дала советская власть трудящимся”, выпущенной к 20-рочниці Октябрьской социалистичной революции.

По двох роках Михаил Иванович поступил на Путиловский завод. Працуючи на заводі, учился на вечерных курсах техничного общества и продолжал вперто заниматися самообразованием.

В 1898 року тов. Калинин вступил в Российску социал-демократичну робочу партию, на ціле житя связавши себе с великым ділом Ленина и Сталина.

Ведучи велику агитацийну, пропагандистску и организаторску роботу среди питерскых робочых, молодый революционер приводил в стройну систему всі тоты знания, котры он почерпнул из множества часами припадковых жерел, вперто працувал над усвоением марксистского світопогляду.

Именно о такых передовых робочых, якым был Михаил Иванович, писал В. И. Ленин:

“В тот час, як образоване общество тратит интерес до честной нелегальной литературы, среди робочых росте страстне стремление к знанию и к социализму, среди робочых выділяются правдивы герои, — котры, без огляду на безобразны обставины свого житя, без огляду на отупляючу каторжну роботу на фабрикі, — находят в собі столько характера и силы воли, штобы учитися, учитися и учитися и вырабляти зо себе сознательных социал-демократов, “робочу интеллигенцию”. В России уж єст тота “робоча интеллигенция”, и мы повинны приложити всі усилия к тому, штобы єй высокы умственны запросы вполні задоволялися, штобы из єй рядов выходили руководители русской социал-демократичной робочой партии.”

Разом с Ленины и Сталиным Михаил Иванович закладал основы нашой великой большевистской партии, одним из вызначных руководителей которой он был до конца свойой яркой жизни. Товариш Калинин принимал беспосередно руководяче участие во всіх трьох русскых революциях, поднимаючи и организуючи массы на борьбу против буржуазно-поміщичого гнета.

За революцийну роботу М. И. Калинин подвергался суровым репрессиям со стороны царского правительства. Єго много раз арестовували, не раз заключали в тюрьмы, ссылали. Но ни преслідования царскых жандармов, ни аресты, ни тюрьмы не могли зломити його волю до борьбы против капитализма, не могли подорвати його глубокого переконания в неуникненности побіды робочого класса. Тото глубоке переконание в правоті революийной борьбы, вірность и преданность ділу партии были невычерпаным жерелом силы и бодрости, с помочью котрых он в поровнанию легко переносил многочисленны невзгоды, як бы тяжкы они ни были.

“Вот коли про мене говорят: чоловік прошол тяжкий житьовый путь, — не подабатся тото мі, по совісти скажу. Єсли чоловік усвоил коммунистичный світогляд, то он наполнят його житя такым богатым содержанием, што тото житя не здаєся тяжкым, а здаєся богатым, и, головно, — сам чувствуєш, што оно бесконечно хороше даже в самы трудны моменты”.

В тых замічательных словах — весь Калинин, вся його кипуча натура, як бы самом природом створена для борьбы за народне благо. Служити народу, служити всіми своим умственными и физичными можностями, служити до посліднього дыхания было идеалом всей його жизни. Вспоминатся такий епизод: на одном из торжественных засіданий, посвященных 60-літию со дня рождения Михаила Ивановича, выступали ораторы и в своих привітственных речах высказували пожелания юбиляру многых літ жизни. В конці собрания выступил сам Михаил Иванович и сказал: “Діло не в том, штобы прожити, як можно дольше, а в том, як прожити, як сділати штобы твоє житя было максимально полезным для народа, для отчизны, для коммунизма.

Тоту мысль высказувал Михаил Иванович много раз и предтым. В речи полной теплоты, выголошенной перед робочыми пороховых заводов Шлиссельбурга ище в декабрі 1919 року он говорил:

Я повинен вам сказати, товарищи, што житья мірятся не лем в долготу. Єст люде, котры жили 24 рокы, и были старикы, котры жили по сто літ, и приходил час, тых стариков всі забывали. А 24-рочны люде, котры горіли огнем со своим народом, долго жили в народных сердцах. И я не сомніваюся, што чоловік, котрый жил 20 літ, и за тоты 20 літ жил полным житьом, страдал со своим народом, шол туды, куды шол весь народ, — єсли народ шол с оружием против врага, то и он шол против того врага, єсли народ радовался, то и он радовался разом с ним и співал пісни, — житья того чоловіка в десяткы раз счастливше, як житя дакотрого сторочного старика.”

Именно таке житья прожил сам Михаил Иванович. Он умер не молодым чоловіком: його житья оборвалося, коли йому шол 71-й рок. Но тота велика жизнь была до преділа насыщена революцийным содержанием, большевистском охотом борьбы, невычерпаном мысльом и николи не угасавшом енергиом. Про Михаила Ивановича мож сказати словами Максима Горького: “Вот чоловік, котрый робил всьо, што мог, и всьо, што мог — зробил...”

Михаил Иванович неотділимый от русского народа, неотділимый от його передового авангарда — от ленинско-сталинской партии.

Тверская губерния и його родне село, обогатили М. И. Калинина знанием жизни селянскых масс. Заводы Петербурга, Москвы, Тбилиси, Ревеля и другых городов России дали йому пролетарский гарт. Коммунистична партия, школа Ленина и Сталина выковали из него профессионального революционера-большевика, страстного борца со всіми и всяческими врагами робочого класса и социализма.

Партия и народ всегда высоко цінили революцийны прикметы Михаила Ивановича, його неутомиму енергию, його глубоке знание жизни, його высокий организаторский талант, його умінье укріпляти, освіжати и росширяти связи с массами.

В 1917 року, скоро послі Октябрьской социалистичной революции, Михаил Иванович был выбранный в Петроградску городску думу, а затым городским начальником Петрограда. И марті 1919 року по предложению Владимира Ильича Ленина он был выбранный предсідателем Всероссийского Центрального Исполнительного Комитета. За час 27 літ он беспрерывно стоял на челі верховных органов совітской власти, як живо олицетворение союза робочых и селян, як символ кріпости социалистичного строя, тревалости и устойчивости робоче-селянской власти. В 1922 року його выберают предсідателем Центрального Исполнительного Комитета СССР. В 1937 року, послі принятия новой Конституции, Михаил Иванович был выбранный депутатом Верховного Совіта СССР, а в январі 1938 року — предсідателем його Президиума.

Як один из найбольшых организаторов и творцов совітской державы, соєдинявший в собі велику народну мудрость со страстностью и большевистской послідовательностью борца за діло народа, товарищ Калинин заслуженно пользовался выключной популярностью в народных массах Совітского Союза. Своим його рахували не лем робочы Путиловского завода, где он получил пролетарский гарт, и колхозникы Калининской области, где он родился. Своим го уважали в Узбекистані и в Білоруссии, на Уралі и на Дальнем Востокі, в шахтах Донбасса и на заводах Урала и Сибири. Його имя с безграничной любовью вымовлялося в отділах героичной Красной Армии и на кораблях Воєнно-Морского Флота.

Занятый великом практичном роботом, он находил час и силы поддержувати особистый контакт с огромной сколькостью людей разных профессий, разных віков и национальностей, Прийомна Михаила Ивановича была знана по цілому Совітскому Союзу и всегда была полна народа. В Москву до Калинина шли и іхали по самым разнообразным ділам — по особистым, общественным, служебным. А сколько писем со всіх концов Совітского Союза каждоденно поступало в адрес товарища Калинина!

За 27 літ пребывания на посту главы верховного органа совітской власти Михаил Иванович дословно сколесил всю нашу необъятну краину. Думаю, што ніт такой области, такого кутка в Совітском Союзі, где бы он не побывал и лично не познакомился с житьом и роботом совітскых людей. Його виділи лично у себе селяне Тамбовщины и робочы Гусь-Хрустального завода, козакы станицы Котовской и горцы Кавказа. Його виділи на новострайках, в колхозах, в научных институциях. С ними лично встрічалися тысячи бойцов Красной Армии и Красного Воєнно-Морского Флота.

Где бы он ни появлялся, його всяди встрічали як самого близкого, самого родного чоловіка, с котрым мож щиро, як зо своим чоловіком, поділитися и радостями и горестями житья. Характеристичный штрих. Одного разу Михаил Иванович отвиділ, колхоз “Радянка”, Дніпропетровской области. О приізді його в колхозі никто предтым не знал, и, тым не меньше, стоило Михаилу Ивановичу показатися, як всьо население села о том уж знало. Як все быват в такых выпадках, первыми поширителями информации были діти. Шумном гурмом они нєслися впереди машины и кричали: “Калинин, Калинин приіхал!” Михаил Иванович зашол в правление колхоза, где сиділо пару молодых паробков. Кто-си из проводившых го звідал молодых колхозников, ци они знают, кто приіхал. Тогды один из них встал, хитровато усміхнулся — як бы гварил, за кого вы нас мате, — взглянул для ревности на портрет Калина, який висіл на стіні, потяг руку и восторженно поздоровился: “А, здравствуйте, дорогий Михаил Иванович!”

Ленин говорил, што Калинин владіє уміньем подходити к широкым слоям трудящыхся масс. То, што часом не могли осилити найдосвідченнійшы пропагандисты, мог зробити Калинин. Недармо Ленин и Сталин не раз посылали го там, где треба было великой силы переконания.

Михаил Иванович дійсно уміл переконувати, приводити людей к желанным для партии выводам. Складнійшы вопросы жизни и роботы в його устах ставали простыми и понятными для всіх.

В докладах и бесідах с робочыми, селянами, интеллигентами он николи не обходил так званы остры вопросы, а, наоборот, сам их выдвигал на обсуждение и давал необходны отповіди. Он не навязувал свого мніния слушателям, не подавлял их своим авторитетом, а як бы внушал им, што його думка не обовязкова ни для кого, и тото ище больше притягало слушателей, робило их больше щирыми и активными. Його речи найчастійше носили форму бесіды. Многы ораторы увлекают слушателей пафосом выкладу. “Я же, — говорил Михаил Иванович, — больше розъясняю, намекаю, разом с вами хочу розъяснити діло. Ту показуєся, правдоподобно мой старый пропагандистский рис.”

Михаил Иванович был правдиво великым просвітителем народа совітской епохы. Он был одним из самых великых пропагандистов марксизма-ленинизма.

“Быти марксистом, — говорил он, — то значит быти творцом... Марксизм без творчества, без постоянного живого учета всего происходящого буде квази-марксизмом. .. Марксистский метод примінятся правильно лем тогды, коли изучают явление всесторонно, во всіх його связях, коли россмотрюют тото явление не отособнено, а во всей його связи со всім окружаючым. И то рішение, котре мы приймеме, буде каждый раз новым рішением. Єсли ты сегодня так рішил вопрос, то завтра тот же самый вопрос ты будеш рішати по новому, бо завтра будут новы обставины. История иде, не стоит на місті, а вічно движеся вперед. И марксист разом с историчным ходом повинен постоянно двигатися вперед. Марксист повинен уміти ориентуватися.”

Марксист, як часто говорил Михаил Иванович, повинен быти всесторонне культурным, грамотным чоловіком. Такым всесторонне образованным чоловіком был сам товарищ Калинин. Круг його познаний и интересов был надзвычай широкий — от промышленного виробництва и колхозного земледілия до дуже тонкых суждений о философии, естетикі, литературі, искусстві. Недармо на авторитетны высказувания Михаил Ивановича дуже часто покликуются и проста колхозница и совітский ученый, робочий завода и діятель искусства, педагог и строитель-архитектор.

Столь же разносторонна была и його державна діятельность. Мож сміло сказати, што ніт такой области роботы в Совітском Союзі, в котру бы не вникал своим мудрым умом Михаил Иванович. Борьба с контрреволюциом и розрухом в первы рокы совітской власти, укріпление союза с середняком-селянином, борьба с голодом в Поволжью в 1921 року, ликвидация неграмотности, отбудова знищенного империалистичном и гражданском войнами господарства, укріпление дружбы народов, велика индустриализация краины, перевод роздробленного сельского господарства на рельсы коллективизации, укріпление обороноспособности краины, єй вооруженных сил, борьба за розвитие совітской культуры: наукы, литературы, искусства и т. д. и т. д. — всьо входило в круг державных старунков Михаила Ивановича.

Вся жизнь того замічательного большевика до посліднього дыхания была посвящена великому ділу укріпления социалистичной державы. Во всіх його речах и публицистичных роботах червеном нитком проходит одно требование: держава робочых и селян повинна быти незмірно культурнійша и организованнійша першой ліпшой капиталистичной державы, “по крайней мірі настолько, насколько социализм превосходит капитализм.”

Во имя той великой ціли трудился Михаил Иванович, не рахуючись ни с часом, ни здоровьем. В период Великой Отечественной войны, будучи тяжко хворым, Михаил Иванович продолжал трудитися на посту руководителя верховного органа совітской власти, организуючи и мобилизуючи своим мудрым словом народы Совітского Союза на розгром врага.

Жизнь Михаила Ивановича — великий примір бескорыстного, беззавітного, страстного и честного служения Отчизні и народу.

Світлая память о той замічательной жизни вдохновлят всіх совітскых людей на ище большу енергичну борьбу за тото діло, котрому цілковито посвятил своє житья Михаил Иванович, — за полне торжество коммунизма. А боротися успішно за коммунизм, говорил Михаил Иванович, — то значит идти за Сталиным!


А. НАЗАРОВ.



[BACK]