М. ЛОГОЙДА.
Карпаторусский Американский Запомоговый Союз при М.Р.О.

Сама назва организации, в нормальной обстановці, мала бы познакомити читателя с характером организации. Так, в даном случаю, слово “запомога” мало бы означати все. До “запомоговый” додати слово “карпаторусский”, для означения национального походженья членов, и вот вам полна картина того, што мала бы собою представляти сия организация. Однако, ті из читателей календаря, котры знают Карпаторусский Американский Запомоговый Союз при Международном Робочом Ордені, згодятся в том, што наш Союз больше, чім запомогова организация.

Наш Запомоговый Союз при Ордені, в первой мірі робоча, анти-фашистска, запомогова организация, што не лише треба подчеркнути, но показати на тот факт, жебы то стало ясным не лише для членов, но для каждого.


National Committee
Члены Краєвого Комитета Карпаторусского Американского Запомогового Союза при М.Р.О. Сидят с ліва на право: Др. С. Пыж, М. Логойда, подпредсідателька Анна Конончук, предсідатель П. Костишак, подпредсідатель И. Мягончак. Стоят, первый ряд с ліва на право: Дж. Кузьма, А. Кец, П. Цирка, Ю. Адамяк, Дж. Фучила, А. Милян, М. Ониско и П. Павляк. Стоят с сверху: П. Томасек, И. Малиняк и И. Василько

С подчеркненьом того факту, што наш Союз робоча и антифашистска запомогова организация стане ясным, чому назва нашой организации не може дати полной картины того, што представлят собою наш Союз.

Быти робочой антифашистской запомоговой организацией означат в первой мірі боротися против реакции, котра день у день нападат на нашы демократичны права, як також на наш житьовый уровень. Быти робочой антифашистской запомоговой организацией, як наш Союз, означат боротися за справедливый и тревалый мир, против загрозы новой войны.


РІЖНИЦЯ МІЖ НАМИ И
ДРУГЫМИ ОРГАНИЗАЦИЯМИ

Чи є ріжниця меж нашым КАРПАТОРУССКЫМ АМЕРИКАНСКЫМ ЗАПОМОГОВЫМ СОЮЗОМ при МЕЖДУНАРОДНОМ РОБОЧОМ ОРДЕНІ и другыми нашыми запомоговыми организациями? Сам тот факт, што Союз не боится поставитися в оборону интересов робочых, коли росходитися о добро робочого народа, або коли росходится о то, штобы поставитися в оборону нашых робочых прав, якым загрожує реакция, показує на то, што ріжниця є, и то велика.

Нашы запомоговы организации, тобто урядникы тых организаций, все показуют на то, што их организации то запомоговы, и діятельность такых организаций ограничуєся статутами их организаций. Другыми словами, тоты организации мают лише выплачувати посмертны подпоры, зрозуміло, лише такым членам, котры мали своє членске выплачено. Єсли росходится о то, штобы помочи майнерам, або там сталевым робочым на выпадок страйку, то в такых выпадках урядникы нашых запомоговых организаций показуют на то, што помотати робочым было бы против статута организации, бо в статуті ясно сказано, што организация “запомогова”, для выплаты посмертного. Борьба робочых за векший кусок хліба, то уже политика. Так говорят нам урядникы нашых запомоговых организаций. Но ті сами урядникы радо поміщуют в газетах, выдаваных за центы тых самых робочых, официйных органах тых “бесполитичных запомоговых организаций”, объявления на цілы стороны, в котрых апелюєся до робочых голосувати на республиканску реакцию. Чи не дивне понятине слова “политика” у тых нашых “лидеров” запомоговых организаций? Борьба за хліб, то политика, но поддержка реакции, то не политика.

Карпаторусский Американский Запомоговый Союз при М. Р. О. выплачує посмертны подпоры, также хворы подпоры, як и другы запомоговы организации, при чом Союз не забыват на то, што борьба робочых за векший кусок хліба, як також борьба за роботу єсть обовязком нашой организации. Вся та бесіда о том, што запомогова организация не має мішатися до ниякой политикы, што она має выплачувати посмертны подпоры и больше нич, не є ничым другым лише пропагандой нашых реакционеров.


Delegates
Делегаты Совітской Украины на 1-ый митинг Объєдиненных Наций, котрых витали представители карпаторусскых организаций. Сидят, с ліва на право: Ректор Києвского Державного Университету имени Тараса Г. Шевченко, проф. В. Бондарчук, Генеральный консул С.С.С.Р. в Нью Йорку Михайлов, проф. П. Погребняк, представник Генерального Консульства СССР, А. Галаган, секретарь делегации Ф. Пархоменко. Стоят: Е. Гаваш, М. Логойда, М. Ониско, Архиепископ Адам, П. Гузлей, Дм. Вислоцкий и Др. С. Пыж

Мы всі робочы люде. Мы знаєме из житьевой практикы, што в Америці, хотя она найбогатша краина в світі, даром нич не даєся. Другыми словами, ще и за смерть треба платити. Однако, штобы за смерть заплатити, вы должны мати роботу и за тоту роботу получати таку плату, жебы вы могли оплачувати ваше обеспечение на выпадок смерти. Раз не будете мати роботы, тоді ваше посмертне обеспечение ничого не буде вартати, бо не маючи чым заплатити вашы місячны членскы взносы, посмертне пропадат. Слідовательно, для урядников нашых запомоговых организаций мало бы быти найважнійшой задачой, боротися вмісті с робочыми за красшы житьовы умовины, як також за то, штюбы краина гарантувала роботу каждому робочому. Но што робити, раз богаче в Америцi завели таку науку, што запомогова организация не має ничого другого робити, лише виплачувати посмертне? Той наукы придержуются лидеры запомоговых организаций. Кто иначе думат и учит, того чорнят плямой “коммунизма”.

Против такой фальшивой науки бореся Международный Робочий Орден, объєдиняючий 15 народностных товариств, включаючи наш Карпаторусский Запомоговый Союз. Наша организация учит, што то є обовязок каждой робочой организации боротися за интересы робочых. Богаче бы того лише хотіли, што бы мы ничого не робили. В таком выпадку их панству та профитам не буде ни конца ни міры.


БОРЬБА ЗА СОЦИЯЛЬНЕ ОБЕСПЕЧЕНИЕ

Уже пару роков тому, як под лидерством покойного Франклина Д. Рузвельта был принятый Акт Вагнера, на основі котрого безроботны можут побирати подпоры. Акт Вагнера не покрывал нужды робочых. Для улучшения подпор, на выпадок безроботицы, як також для несения медицинской помочы, внесли в Конгресс сенаторы Вагнер, Моррей и конгрессман Дингель законопроект.


PischLagoyda
Д-р. С. Пыж подписує петицию Союза до Конгресса для принятия законопроекта Вагнера-Муррей-Дингеля, в присутности Михаила Логойды.

Наш Союз, включаючи всі товариства Ордена, постановил включити всю силу для того, штобы Конгресс принял сей Законопроект, так як сей билль служил бы интересам робочого народа Америки. Но не так думали лидеры наших запомоговых организаций. Они боялися за свою роботу, бо в том биллі предназначуєся посмертна подпора також. Тоты лидеры так думают, раз робочы будут получати посмертну подпору прямо от державы, тоді они лишат их организации: слідовательно, они втратят свою роботу.

Наша организация отчуват, што для осягнения полной побіды в справі принятия билля Вагнера-Муррея и Дингеля мы потребуєме поддержку всіх робочых. Реакция всіми способами старатся провадити сей законопроект. Но объєдиненных робочых им не побідити.


ИЗ МИНУЛОГО ОРДЕНА

Орден заложено в 1930 році 5000 членами в Нью Йорку. В 1946 році в Ордені уже нараховано 183,000 членов. Днесь Орден є найбольша робоча запомогова организация в Америці. Орден объєдиняє 15 народностных товариств. Орден має 1,624 отділы.

Грошевы резервы Ордена выносят выше 3 миллионы долларов. Солвентность Ордена 143%, она гарантує выплату посмертного каждому одному члену. Резервы Ордена вложены в федеральны и штатны бонды. Орден чартерованый в штаті Нью Йорк и має лайснисы на дійствувание в 18 штатах Америкы.


НАШ СОЮЗ

Pavlichenko
Членкиня Ордену М. Гиба передає букет цвітов геройці Совітского Союза Л. Павличенко

В том великом Робочом Ордені дійствує наш Карпаторусский Американский Запомоговый Союз. Роботою Союза керує Крайовый Комитет, котрый складатся из американцев карпаторусского роду або нашых карпаторусскых иммигрантов. Основы Союза были положены в 1937 р. Первым организатором Союза был Андрей Грабский. Своєй секции мы добилися при Ордені в 1940 р., от котрого дня Союз дійствує на ровні с другыми 14 народностными товариствами Ордена.



СОЮЗ ЗАОХОЧУЄ ДІТОЧУ АКТИВНОСТЬ

Coaldale
Діточа танцорска группа в Колдейл, Па.

Днесь в Союзі нараховуєся понад 5000 старшых членов и понад 1000 дітей. Меже карпаторусскыми американцами Карпаторусский Союз є передовой робочой запомоговой организацией. Наш народ поважат Карпаторусский Американский Запомоговый Союз, бо завдяки борьбі Союза за нашы демократичны права, за векшу зароботну плату, за мир, против фашизма нашы люди отчули, што Союз не служит никому другому, лише своим членам та их добру.

Под час великой войны свободолюбивых народов против нацизма-фашизма члены Союза риском свого житья вступали волонтерами до армии, штобы помочи нашым кровным братьям в краю розбити гитлеровскых бандитов. Тоты из нас, котры были дома, робили тяжше и довше, штобы выробити оружия подостатку, для забеспечения побіды над фашизмом.


БЕССМЕРТНЫЙ ПАМЯТНИК ГЕРОЮ
НАШОГО НАРОДА ОЛЕКСІ БОРКАНЮКОВИ
Borkanjuk
О. Борканюк, партизанский лидер, замученый мадьярскыми фашистами. Його память буде вічно жити меже нами

Наша организация не має плаченых агентов, як иншуренц компании. Нашу организацию будуют сами члены, котры отчувают, што для того, штобы мы могли краше отбити напады реакции, мы должны кріпити нашы ряды.


Коли, под час войны, з краю надойшла вість, што мадьярскы каты повісили одного з найкрашых сынов нашого народа, Олексу Борканюка, организатора партизанского движения в нашых милых Карпатах, великий жаль охопил членов Союза. На просьбу членов Союза было рішено провести членску кампанию в честь Олексы Борканюка.


MovieHouse
Историчного значения дом: В сем кино-театрі в Мукачеві, 26-го новембра 1944 р. представители Народных Комитетов одноголосно рішили присоєдиним Подкарпатску Русь до Совітской Украины.
Labik
Андрей Лабик, передовий роботник Союза.
Pavlak
Петро Павляк, передовий ударник Союза.
Grabsky
Андрей Грабский, первый организатор К. Р. Запомогового Союза М.Р.О.
Matolesko
Иван Матолеско, лучший будовничий Союза

Сия кампания за новыми членами была одной из найуспішнійшых. Майнеры твердого угля, робочы сталевых фабрик, фармеры як також робочы текстильных фабрик постановили побудувати бессмертный памятник великому геройови, пожертвовавшему своє житья за свой бідный народ. Под час той кампании было вписано 740 новых членов. Будовничы-ударникы Союза так говорили, што Борканюк вмер смертью героя в борьбі против реакции-фашизма. Тому они рішили кріпити Союз, штобы он был вірный завітам народных героєв, павшых в борьбі против фашизма, бо гарантия повной побіды робочых над фашизмом и реакцией лежит в кріплению робочых, анти-фашистскых организаций.


ОБЕСПЕЧУЙТЕ СЕБЕ
В СВОЙОЙ РОБОЧОЙ ОРГАНИЗАЦИИ

В Ордені можно обеспечити себе от $250.00 до $5.000.00 посмертной подпоры на такы виды обеспечения:

1. Ступневу (Степ рейт)

2. Ровну (Левел рейт)

3. Выплачену на 65 році житья (Пейд ап ат 65).

4. 20-рочный ендавмент.

Кромі посмертной подпоры, Орден дає хворы подпоры в $4, $6, 8, и 10 тыжднево подпоры.


Turianitsa
Иван Туряниця, голова областного уряду Закарпатья.

Членами принимаются в старший отділ от 16 до 60 року житья. Вступаючий член платит $1.00 вступного. До доктора мают итти вступаючы члены, котрым минул 45 рок житья, як також тоты, котры хотят больше, чым $1,000.00 посмертного обеспечения або хвору подпору. Без додатковых оплат Орден платит своим членам до $600 подпоры под час сухот и от $25 до $400 на выпадок покалічения. Члены за полису получат “кеш сурендер” або “екстендед иншуренц”. За 15 роков существования Орден выплатил своим членам больше, чым 15 миллионов дол. в формі посмертной и хворой подпоры. Орден принимат и дітей. Діти принимаются от народжения до 16 року житья, на такы виды обеспечения:

1. $250.00 посмертного за 15 центов місячно.

2. $500.00 посмертного за 25 центов місячного.

3. $250.00 готовкою при осягнению 16 року житья.

4. $500.00 готовкою при осягнению 16 року житья.

Діти при вступі не мают итти до доктора, ни вступ не мают платити.

За полной информацией о ратах пиште на тоту адресу:

address

Будуйте и кріпте одиноку робочу организацию нашого народа в Америці!

Ставайте єй членами! Вписуйте своих дітей до свойой робочой организации!

Symbol

Folk Commitee
Дом Областного Народного Комитета в Ужгороді

Lemko Hall
Народный Дом Лемко-Союза в г. Кливланді, Огайо

Отділы Лемко-Союза, мужский и женский, в городі Кливланді, Огайо, ділают красный прогресс в свойой организацийной и народной роботі. При конці 1945 року они купили прекрасный дом — знаный в Кливланді под именем Кореньовой галі.

В будинку єсть велика галя на массовы предприятия и ряд меньшых поміщений на митингы и квартиры. Так само на двох сторонах от оживленных улиц находится ряд поміщений на бизнесовы предприятия.

Будинок был побудованый початково нашым емигрантом из Пряшевщины Кореньом, и являлся центром многочисленной в Кливланді карпаторусской колонии. По смерти брата Кореня, будинок перешол к його наслідникам, котры не доглядали того дому, як треба. Пару літ тому будинок был вартости до $80,000.00, а тепер был набытый правлением Л. С. в Кливланді за $20,000.00. Члены Л. С. в Кливланді собрали меже собом потребну сумму и выплатили дом.

По рішению минувшого съізда Л. С., слідующий головный съізд представителей отділов Л. С. в США и Канаді должен отбытися в том Лемковском Народном Домі в г. Кливланді.




[BACK]