Мати Городов Русскых

Початок Києва тратится в змерку давнины, овіянной легендами. “Были три братья — повідат стародавня літопись, — одному имя Кий, другому Щек, а третьому Хорив, а их сестра Лебедь. И стоворили они город, в имя старшого брата назвали го Києв. Был коло города ліс и бор великий, были звіри. Были мужи мудры и розумны...” Уж в ІХ столітии Києв стає центром первой восточнославянской державы: князь Олег, прозванный “Віщим”, переіхавши из Новгорода в Києв, учинил свойом столицом мальовниче місто над Дніпром, на перекресткі великих дорог — с сівера на юг и с запада на восток. “То буде мати городов русскых,” — сказал Олег.

Не раз богатый культурный Києв зазнал навалы и от восточных кочовников и от западных наіздников. В ХІІІ столітии завладіли Києвом и зруйнували го татарскы орды, с ХІѴ до ХѴІІ ст. києвлян угнетали и грабили литовскы и польскы паны. Лем в другой половині ХѴІІ ст. был, нарешті, освобожденный и остаточно воссоєдиненный с русскыми землями стародавный Києв. Тогды почалося його возрождение. Спочатком ХІХ в Києві было около 24 тысяч жителей. В 1834 р. был открытый университет в Києві. В 1886 р. побудовано желізну дорогу. В 1898 р. открыто политехничный институт. Правдивый росквіт Києвва, його индустрии, культуры, благоустройства роспочался при совітской власти.




[BACK]