Битва под Курском — Генерал-майор Н. Замятин

5-го августа 1943 року в Москві первый раз прозвучал салют Побіды. Столица Совітского Союза зазначала великий успіх, достигнутый войсками Красной Армии в одной из найбольшых битв Отечественной войны — в битві под Курском.

В тот день был завершеный розгром орловской группировкы німцов и освобожденый Орел. Одночасно войсками Красной Армии был взятый Білгород, што означало прорыв вражой обороны на Білгородско-Харьковском направлении.

Товариш Сталин в свойом докладі 6 ноября 1943 року говорил, што поражка німецкых войск на нашом фронті к исходу того року была предрішена двома важнійшыми событиями: битвом под Сталинградом и битвом под Курском. “Єсли битва под Сталинградом предвіщала упадок німецко-фашистской армии, то битва под Курском поставила єй перед катастрофом.”

Вовсе не случайно, што рішаюча битва 1943 року отбылася в районі так званого Курского выступа и охватила в дальнійшом районы Орла, Білгорода и Харькова. Захопленый нашыми войсками тот выступ, глубоко вклиненый в росположение противника, был выключно выгодным плацдармом для розвертувания офензивных дійствий Красной Армии. Німецке командование само называло выступ “воротами для вторжения совітскых войск на Украину.” Нашы войска, енергично готовячи выступ к обороні, в тот сам час вели діятельну подготовку к великой літной офензнві и насамперед — к розгрому орловской и білгородско-харьковской группировок врага.

Послі того страшного розгрома, котрому подлягла гитлеровска армия под Сталинградом, положение єй оказалося дуже тяжкым. Армия понесла колоссальны страты, утратила стратегичну инициативу и на цілом совітско-германском фронті примушена была перейти до обороны.

Однако полный отказ от офензивной стратегии не устроювал гитлеровске руководство. Таж переход до стратегичной обороны означал бы признание германо-фашистскым правительством того факта, што надія на побіду в войні против Совітского Союза для Германии абсолютно страчена. Гитлеровске командование для восстановления свого сильно захвіяного воєнного и политичного престижа нуждалося в великой побіді. Оно готово было всяком ціном доказати способность німецкой армии вести великы офензивны операции, штобы не допустити до роспаду фашистского блока, застрашити своих противников и, насколько можно, отдалитм створение другого фронта в западной Европі.

И Гитлер встал на путь новой авантюры, новой офензивной операции, выкорыстуючи з браку другого фронта в Европі можность бескарного пересунения на совітско-германский фронт значных сил эо Запада. Кромі того, німцам удалося пополнити свои сильно порідівшы ряды на рахунок “тотальной” мобилизации.

Постановивши знов вырвати стратегичну инициативу и змінити в свою корысть стратегичну обстановку, но, будучи не всилі вести одночасно велику офензиву на несколькых стратегичных направлениях, німцы поставили собі за найблизшу задачу ликвидувати Курский выступ и знищити оборонявшу го группировку совітскых войск, а потом — розвити достигнутый успіх ударом в сіверо-восточном направлению. Орловский и Білгородско-Харьковский плацдармы в руках німцов — в значной степени облегчали выполнения того плана німецкого генерального штаба.

Такым чином, Курске направление літом 1943 року было основным стратегичным направлением, а битва под Курском, в котрой участвували колоссальны силы, сталася генеральном битвом, рішаючом исход всей літной кампании того рока.


* * *

Первый етап Курской битвы — оборонительна битва под Курском — служит классичным образцом современной активной обороны.

Для наступления с сівера и с юга німецке командование сконцентровало моцны группировкы, якы складалися взагалі из 17 танковых, 3 моторизованых и 18 піхотных дивизий. Группировки включали поверх 3,000 танков, 6,000 канонов и около 2,000 самолетов. В битві под Курском німцы первый раз примінили в массовом розмірі новы тяжкы танкы — “Тигры” и “Пантеры”, самоходны каноны “Фердинанды”. Німецке командование покладало серьозны надежды на дійствие широкого примінения тых новых средств борьбы.

Но удары тых панцерных группировок розбилися о несокрушиму силу нашой обороны. Войска Центрального фронта генерала, днеска маршала Совітского Союза, Рокоссовского и войска Воронежского фронта генерала Ватутина, выполняючи указания Верховного Главнокомандования — вимотувати наступавшы группировкы німцов на предтым подготовленных оборонительных позициях до перехода в загальну офензиву нашых на сусідных участках, — обескровили противника. Наступление німцов почало захлебуватися.

Оборонительный етап закончился 12 юля встрічном танковом битвом под Прохоровком, коли в бой вступили нашы свіжы резервы. В том бою на ограниченой территории одночасно с обох сторон брало участь около 2.000 танков и велике число самолетов. Враг, стративший за день боя около 400 танков, потерпіл цілковиту неудачу. Німецке командование мушено было отказатися от офензивы и перешло до обороны на цілом фронті под Курском.

Офензива німцов, почавшася 5 юля, была ликвидована на южном секторі 12 юля, т. є. на осмый день наступления; а на сіверном направлении офензивных можностей у німцов хватило лем на 4 дни, ту гитлеровцы перешли до обороны уж 8 юля. Противник за час свого неудачного наступления понюс огромны страты — больше як 70.000 солдатов и офицеров убитыми, понад 3,000 танков и самоходных канонов, около 1.400 самолетов и много другой бойовой техникы.

Провал німецкой офензивы на Курск, дуже тяжкы страты, понесены врагом, створили выгодны обставины для перехода до загальной офензивы Красной Армии як против орловской, так и против білгородско-харьковской группировок німцов.

Згодно эо загальным планом Верховного Главнокомандования 12 юля войска Западного, Брянского, а затым и Центрального фронтов перешли в офензиву с трьох направлений, концентричными ударами с сівера, востока и юга, с цілью розгрома орловской группировкы противника.

Битва носила выключно завзятый характер. Німцы за всяку ціну хотіли удержати сильно укріпленный Орловский плацдарм в своих руках. В район Орла, штобы парировати наш наступ, было перекинено с другых участков фронта больше як десять дивизий. Однако больша часть с них, ровно як и сама орловска группировка, подлягла цілковитому розгрому. В ході битвы под Орлом было цілковито знищено 8 німецкых дивизий. 5-го августа нашыми войсками был взятый Орел. Орловский плацдарм німцов, тот трамплин для німецкой офензивы в глуб Совітского Союза, перестал истнувати. А с 3 по 23 августа ударами Воронежского и Степного фронтов была розгромлена и білгородско-харьковска группировка німцов.

Єсли розгром орловской группировкы был достигнутый в результаті трьох концентричных ударов, то знищение білгородско-харьковской группировкы послідувало в результаті россіяния єй на дві отособнены одна от другой части с наступном ликвидациом каждой из них в отдільности.

Як и в битві под Орлом, бои на Харьковском направлению носили выключно завзятый характер. Однако ни многочисленны, завчасу приготовленны оборонны позиции, ни пробы німцов контратаками перекидуваных с другых фронтов резервов остановити наш наступ, не дали противнику жаданого еффекта. 23 августа нашы войска штурмом взяли Харьков, ликвидувавши Білгородско-Харьковский плацдарм — “могучий бастион німецкой обороны на Востокі”, як говорилося о ньом в одном німецком приказі.


* * *

Битва под Курском мала колоссальне значение для всього наступного периода войны.

Єсли в битвах под Ленинградом, Смоленском, Києвом и Одессом осенью 1941 року провалился ославленый план блискавичной войны, єсли под Сталинградом потерпіла крах офензивна стратегия німцов, то под Курском провалилася послідня проба німцов вернути в свои рукы стратегичну инициативу и знов осуществити велику офензивну операцию стратегичного розміра. 

Німцы примушены были цілковито перейти до стратегичной обороны на всіх фронтах и ставити на як найбольше затягувание войны, на перевод бойовых операций на совітско-німецком фронті на рельсы войны позицийной. Но поражка німецкых армий под Курском, Орлом и Харьковом створила предпосылкы для провала и німецкой стратегнчной обороны. Таж в тых битвах Красна Армия знищила основны резервы врага; понесены німцами страты не могли быти пополнены. Дост напомнути, што лем за период с 5 юля до 6 августа враг стратил под Курском, Орлом и Білгородом понад 120 тысяч людей убитыми, больше як 4.500 танков, 1.623 канонов, около 2.500 самолетов.

Розгром німцов в Курской битві створил необходимы условия для стремительного выхода Красной Армии ку Дніпру и освобождения цілой лівобережной Украины и Донбасса. Тота обставина, што в битві под Курском были энищены основны німецкы резервы, обеспечила нашым войскам и быстру ликвидацию ославленного “восточного вала”, створила благоприятны условия для форсувания Дніпра и для преможения пояса могучых укріплений на западном берегу Дніпра.

Так што побідоносне завершение Курской битвы створило выключно выгодны предпосылкы для грандиозных наступательных операций Красной Армии осенью 1943 року и в 1944 року. А, кромі того, пересунение гитлеровскым командованием зо Запада на совітско-германский фронт великой сколькости дивизий, котры, доречи, нашли собі могилу под Курском и в степах лівобережной Украины, надзвычайно облегчила союзному командованию подготовку до розвертувания операций в Западной Европі в 1944 року.

Итак, німецкому командованию не удалося под Курском “взяти реванш за Сталинград,” не удалося наново захватнти стратегичну инициативу в свои рукы, не удалося змінити ход войны на свою корысть. Германска армия в результаті літной поражкы 1943 року оказалася перед катастрофом.

В битві под Курском Красна Армия знов продемонструвала свою силу, свою стойкость в обороні, своє умінье маневрувати, діяти в складных оперативных обставинах, продемонструвала высшость совітской воєнной штукы, высшость совітской воєнной техникы над техником врага.

Яркым приміром, демонструючым тото положение, являтся хоцбы лем факт, што моцны танковы німецкы группировкы в протягу 8 дней Курской битвы мимо огромных страт в живой силі и техникі, не змогли прорвати даже тактичну глубину нашой обороны. А перешовшы в наступ соєдинения Красной Армии овладіли Харьковом, перемогши осем могучых оборонных позиций, якы прикрывали город зо всіх сторон.

В той великой битві знов проявилася гениальность сталинского стратегичного руководства. Верховне Главнокомандование объєдинило в своих руках управление пятью фронтами и блестяче справилося с выключно трудном задачом координации дійствий всіх тых фронтов для достижения єдиной ціли в дуже складной обстановкі.

Битва под Курском заслужено вошла в историю Великой Отечественной войны, як одна зо світлійшых єй страниц.


Генерал-майор Н. ЗАМЯТИН.
Kursk46End

[BACK]