ЛЕМКЫ В БОРЬБІ ПРОТИВ ФАШИЗМА

Luke Kosko Michael Kosko
Лука С. Косно Михаил С. Kocko

Тысячи дітей лемковскых емигрантов боролися в Американской армии, Морском и Воздушном флоті против фашистских агрессоров — гитлеровской Германии и самурайской Японии. Многы с них отзначилися в боях. Меж ними были и два братья Коско, Михаил и Лука зо Шелтон, Конн. Родиче тых двох американскых матросов, котры боролися за свободу Америкы и Европы, выходцы зо села Вышоватка Ясельского повіта, отец Симеон сын Ивана и Марии Коско, а мати дочка Ивана и Марии Моцонь. Отец приіхал до Америкы молодым хлопцом в 1907 року, мати молодом дівчином в 1910 року.

Лука Коско был взятый до нейви в февр. 1942 року, отбыл первый трейнинг в Род Айленд, потом в Бруклині, так Вест Виржинии, откаль был высланый в Африку до Касабланкы, с Касабланкы до Франции, с Франции до Айссленд, с Айссленд до Южной Америкы, потом повернул в Нью Йорк на короткий час, бо скоро был посланый на Пасифик на войну против Японии. Лука Коско был на крейсері Августа за три, и пол рока. Тота шифа возила Президента до Европы. Тепер перенесеный на ескорт-дестроєра.

Михаил С. Коско, чиф пети офицер, был забраный до нейви 29 марта 1944. Он находится во Флориді. Михаил женатый уж осем роков.



[BACK]