Лем што взятый в армию сын через пару дней по прибытию в лагер пише мамі:

“От того часу, як я приіхал ту, я прибрал на вагі 60 фунтов: 2 фунты в тілі, а 58 в еквипунку.”

Муж: Чудно, но чом-то всі дуже хорошенькы женщины выходят замуж за дураков?

Жена: Наконец єс здобылся на комплимент жені.

Дві жены вадилися в вагоні про окно — одна хотіла, штобы окно было отворене, друга — штобы было замкнене. Закликали кондуктора, штобы их россудил.

— Коли окно буде отворене, то я захоложуся и помру, — гварит єдна жена.

— Коли окно буде заперте, то я в такой жарі и духоті дораз задушуся.

Кондуктор не знал, што робити. Но на помоч му пришол єден с пассажиров:

— Насамперед отворте окно: тото убье єдну. Потом замкнийте го: тото задусит другу. Тогды наконец будеме мати спокой.

Маленька Мери принесла на почту регистроване писмо. На коперткі уж была наліплена марка, и дівчина подала писмо почтаркі. Тота зважила го и сказала, што писмо тяжше, як треба.

— Ты мусиш приліпити ище одну марку, — рекла почтарка.

Мери зачудувано смотрит на почтарку и кусат палец рукавичкы, не знаючи, што робити. Наконец гварит:

— Та ци от другой марки писмо не буде тяжше?