ДРУЖБА НАРОДОВ

Повысша фотография представлят долгожданну встрічу американского и русского воинов в середині гитлеровской Германии. Старчит посмотріти на их лица, штобы увидіти их радость по поводу закончения кровавой войны против вооруженного фашизма. Оба они думают тепер о дружбі обох народов, бо оба розуміют, што лем дружба тых двох великых народов може забеспечити им и их дітям тревалый мир.

Но они также знают, што с розгромом гитлеровской Германии и самурайской Японии с фашизмом ище не покончено, и што його остаткы стараются за всяку ціну посіяти незгоду меж побідоносными союзниками, штобы кинути людство в нову кроваву бойню, и при новых орудиях войны далеко страшнійше знищение.

Воєнны преступникы хотят накинути людству нову войну, но они знают, што, єсли Америка и Совітский Союз, американский и русский народы останутся в дружбі, то войны не буде. Потому-то они стараются знищити дружбу народов, насамперед тых двох найбольшых в світі народов.

Наша задача — не дати знищити тоту дружбу, а дальше єй укріпляти. То задача и тых двох воинов и миллионов их товаришов. Віриме, што тоту задачу выполниме, и войны больціе не буде.