АМЕРИКАНЦЫ И РУССКЫ ДАКОЛИ
САН-ФРАНЦИСКО — СЕВАСТОПОЛЬ

Сан-Франциско, где отбывалася конференция Объєдиненных наций, в тоты далекы рокы лем што будувался. Богаты золоты копальни, открыты в 1848 року в Калифорнии, помагали бурному заселению. Но золота горячка, яка охопила Калифорнию, не перешкодила, однако, жителям молодого Сан-Франциско уважно слідити день за днем с великым интересом и симпатиом за героичном борьбом русскых под стінами легендарной крымской кріпости — Севастополя.

В початку октября 1854 року на страницах европейскых газет появилася неправдива вість о упадку Севастополя.

Американцы встрітили тоту вість сдержанно. Но потом, коли выяснилося, што то неправда, перед стоячыми в порту кораблями враждебных России держав, стихийно возникла 4-тысячна манифестация с криками: “Севастополь не взятый!” (“Московские ведомости” за 1855 рок стр. 720). Приподнятому настроєнию американцев ище содійствовала и лем што получена відомость о побіді русского оружия у Петропавловска на Камчаткі. Для зазначения русскых успіхов американский корабль “Зиновия” салюту вал из 21 орудий. На кораблі было устроєно невелике торжество, в котром принял участь русский вице-консул в Сан-Франциско Костроминов. Коли он сходил с того корабля, в його честь было зроблено пару салютов (“Морнинг кроникл” № 27463 от января 1855 року).

Коли в 1855 року, послі долгой геройской обороны, Севастополя все-же пал, многы жители Сан-Франциско поспішили виразити своє соболізнование Костроминову, як зазначат он сам в своих воспоминаниях, приведенных в брошюрі “Американцы в Крымску войну”. Коли подданы держав, враждебных России, устроили по случаю взятия Севастополя торжественный банкет, то в отповідь на тото жители Сан-Франциско организували демонстрацию симпатии перед русскым консульством. Шатер, где отбывался банкет по случаю взятия Севастополя, был выверненый, цукровый Малахов курган, стоявший на торжественно убранном столі, розломеный и зідженый, а участникы банкета розогнаны.



[BACK]