ЗОПСУТА ЦЕРЕМОНИЯНа пляцу стояло парунадцет сивых дідов и бабусь. — Сходку уважам открытом, — прогугнявил староста Мокрогуз. — Слово о роздачі земли селянам має його панска світлость герр комендант. — Фюрер дуже любит украинскых мужиков, — солодко усміхнувшись, почал комендант. — Не зважаючи на тяжкы часы, якы переживат Германия, фюрер наділят вас земльом. Первый, што одержує землю — то найстарший мужик нашого села Панкрат Чумак. — Пане комендант, великодушно пребачте, — залепетал староста, — Панкрат Чумак хоче высловити свою щиру подяку. — Ес ис гут. Буд ласка. . . На трибуну вывели старезного сивого дідуся. Долго прожил я на світі, люде добры, — почал старый Панкрат, — што и говорити, 113 роков. . . Трьох царов пережил, тай и добродійов німцов, слава Богу, уж третий раз на моих очах женут с Украины. . . Староста заметушился, комендантови скорчилося лице; але церемонии он не хотіл псути и не остановил діда. — Та уж и до смерти мі три цалі осталося, но але коли паны німцы так опікуются, то може и пожию ище з рочок. . . — Правда, правда, хороший мужичок. . . — Трьох царов пережил, — выводил своє Панкрат Чумак, — даст Бог, ище и фюрера пережию. — Молчи! — загарчал комендант. — Арештувати! Закрыта тоту сходку. . . |