StarofToronto
Anna Kievsky




На Всеславянском Дні в городі Торонто, Канада, 23 юля 1944 року торонтскы славяне выберали свою “Славянску Звізду” и выбрали ньом нашу краянку из Пряшевской Руси, Анну Києвску, предсідательку Карпаторусского Клуба Молодежи в Торонто.

Анна Києвска пришла в Канаду из Пряшевской Руси, с поселка Києвска Гута, коло села Києва. То, што на тоту нашу краянку выпал выбор всіх славян в Торонто принесло честь не лем самой нашой молодой краянкі, но и нам всім, людям карпаторусского роду, бо то найліпший доказ, што и меж нами єст люде, што трудятся для славянского діла. Славяне в Торонто не выбрали за свою Звізду даяку неробу. Наша краянка, видно, заслужила собі на то своим трудом для свойой и для другых славянскых народностей, и тым своим трудом звернула на себе увагу.

Больше бы нам такых славянскых звізд!



[BACK]