ЯК ЖАРТУЮТ НІМЦЫ

Меж німецкыми солдатами в руху жарт: “Фронт — то кино: найліпшы місца зозаду.”

В протоколах допытов плінных мі не раз попадался такий россказ німецкого солдата:

“Коли я іхал на фронт, то оберфрейтор запевнял нас, што у русскых ніт оружия и на каждых трьох солдатов приходится один карабин. На фронті я переконался, што оберфрейтор говорил правду: на каждых трьох русскых приходит один карабин, не рахуючи двох автоматов.

Многы плінны с охотом передают розмаиты анектоды о Гитлері и його компании — анектоды, котры потайкы росповідаются в окопах, траншеях и землянках. Вот два такы анектоды:

1. Гитлер, Геринг и гаулейтер Бюркель летіли на аероплані над Лотарингиом. Гитлер звідал Бюркеля:

— Што треба зробити для того, штобы население краины было задоволено?

— Треба скинути жителям больше карток на хліб, — отпобіл Бюркель.

Ніт, не на хліб, а на мясо, — рюк Геринг.

— Всі были бы дуже задоволенні, коли бы я скинул вас всітрьох, — подумал пилот самолета.

2. Жена Геринга прала білизну. Пришол Геринг. Жена попросила го помочи, кажучи, што тота білизна для фронта. Не встиг он ище взятися до роботы, як пришли Геббельс и Гитлер. Она звернулася до них с том самом просьбом. Они взялися до праня. В тот час проходил мимо чужинецкий робочий. Йому предложили также взяти участь в роботі.

— Дякую, — отповіл чужинецкий робочий. — Я поможу вішати. . .

Л. Огнев.


[BACK]