ТЕОДОР СТЕБНИЦКИЙ

30-го сентября, 1943 року помер долголітный член нашой организации — Теодор Стебницкий, выходец из села Камянка, Саноцкого повіта. Нью-йоркский отділ Л. С. ч. 4. стратил одного из найліпшых своих членов.

Theodore Stebnytsky, Теодор Стебницкий

Покойный Теодор приіхал в Америку пару літ перед первом світовом войном, працувал долгий час в майнах, жил в Ганновер коло Вилкес-Бери. Нашу газету читал от самого початку, всім росповідал, што из ней научился читати. Там при майнах он старался поширити идею робочой организации среди нашых майнеров. Працувал тоже для майнерской робочой юнии.

Послі, коли дочкы доросли, а при майнах роботы для них не было, покойный переіхал в Нью Йорк, и ту дораз нашол отділ нашой организации и почал трудитися для ней. Майже все члены отділа выберали го предсідателем, або другым урядником отділа, потому што всі знали го, як идейного и честного роботника, стоячого твердо за свой народ и робочу справу.

Покойный Теодор, при конці свого житя, ждал найболыие освобождения Карпатской Руси Красном Армиом. Умер як раз в тот час, коли она зломила послідню німецку офензиву и поступила на соткы километров ближе ку Карпатам, ку його родному селу.

Теодор Стебницкий оставил вдову Марию и пять дочок, из котрых три замужны, дві ище дівчата. Всі они держатся нашой организации.

Най буде нашому доброму краяну Американска земля легка!

TheodoreEnd


[BACK]