Богдан Хмельницкий — Проф. Н. Петровский
Проф. Н. ПЕТРОВСКИЙ

Богдан Хмельницкий

285 літ тому назад умер вызначный герой украинского народа — Богдан Хмельницкий.

Росквіт діятельности украинского народного героя Богдана Хмельницкого началася при конці первой половины XVII столітня. В тоты часы майже всі украинскы земли находилися под тяжкым бутом польско-шляхетскых оккупантов.

Ряд повстаний украинского народа против польскых панов был здушеный. Гнет оккупантов досяг великых розміров. Здавалося, што украинсткий народ мусит загинути, стратити свою культуру, язык, віру. В тых надзвычай тяжкых обставинах украинский народ нашол в собі силы, штобы встати против угнетателей. В 1648 року выбухла национально-освободительна война.

Богдан Хмельницкий родился в 1595 року в городі Переяславі, над Дніпром.

В козацком войскі Богдан Хмельницкий выступят в 1687 року, як воєнный писар, а в 1638 року — в чині Чигиринского сотника. Преслідувания зо стороны магната Конецпольского и шляхтича Чаплицкого привели до того, што Хмельницкий стратил одного из своих сынов, господарство, маєток, женщину, на котрой хотіл женитися, а сам был посаженый в темницу и ледво не позбавленый житя.

Освободившися из тюрьмы, Богдан Хмельницкий с 16-рочным сыном Тымишом и с пару єдиномышленниками направился в 1647 року ку устью Дніпра, штобы оттамаль начати борьбу против угнетателей. С того часу вся його діятельность, вся жизнь были посвячены одной ціли — освободити родну землю от насильников, воссоєдинити украинский народ в украинской державі и объєдинити го с русскым народом.

25 и 30 января 1648 року Богдан Хмельницкий выгнал при помочи запорожцов правительственный гарнизон из Запорожской Січи, завладіл ней. Тут повстанцы проголосили го гетманом.

Потом Хмельницкий заключил союз с крымскым ханом Ислам-Гирейом III, котрый обіцал прислати своє войско на помоч. Сын Богдана — Тымиш — остался в Крыму, як закладник. Предложение польского коронного гетмана Потоцкого заперестати повстание Богдан откинул и, зо свойой стороны, поставил ультиматум требуючи, штобы польскы войска забралися с Украины.

В апрілі 1648 року началися активны воєнны дійствия з обох сторон. Предпринятый 11 апріля поход польской армии против Січи Запорожской дознал цілковитого краху. 24 апріля коло Каменного Затопа повстали реєстровы козакы, посланы против Хмельницкого. Они присоєдинился до гетмана. Битва под Жолтыми Водами закончилася 6 мая страшным розгромом польского войска. Незадолго така сама судьба постигла и головну польску армию, на чолі с польскыми гетманами Потоцкым и Калиновскым. 16 мая под Корсунем она была цілковито розбита, а Потоцкий и Калиновский взяты в плін.

Хмельницкий в Чигирині почал енергично готовитися для продолжения войны. Он почал переговоры с русскым правительством о вспольной борьбі против Польшы и о присоєдинению Украины до России. Но цар не осмілился воювати з могучом Польшом. А Хмельницкий в юлі мал уж не меньше 40 полков.

Под Пилявцами, на Волыни, войска Хмельницкого знов встрітитися с польском армиом. Уміло маневруючи, Хмельницкий выпровадил свои войска в поле и дал генеральный бой врагу. Сам Богдан, як вихор, літал на коні меж рядами своих бойцов, подносячи их на духу перед битвом. Битва закончилася побідом украинцов.

Послі того Хмельницкий пошол походом под Львов, в Галицию, где з новом силом выбухло повстание против оккупантов, потом рушил з войсками под Замостье, откаль повернул на Наддніпрянщину.

23 декабря 1648 року Києв торжественно встрічал побідителей. Ту Богдан знов готовится до дальшой войны с поляками, шле в Москву послов с предложением о присоєдинению Украины до России.

В 1649 война зыскала ище больше широкий розмах. Хмельницкий стоял на непримиримых позициях:

— Стіна зо стіном ударится — одна упаде, друга останеся! — сказал он послу польского короля.

И король Ян Казимир и Хмельницкий готовилися до новой войны. В початку 1651 року она знов выбухла — польскы войска на чолі с Калиновскым, несподівано напали на Козаков и розбили войска Данила Нечая. Сам Нечай згинул смертьом героя. Но бои под Винницом, где козаками руководил Иван Богун, кончилися полным розгромом Калиновского. В маю на Волыни почали сходитися также головны армии — украинска и польска.

18—20 юня шла битва под Берестечком. В день рішаючого бою хан Ислам — Гирей III, спугавшися поляков, не лем убіжал с войсками с поля бою, но и захватил в плін Хмельницкого. Освободившись за великий выкуп из пліну, Богдан поспішил под Берестечко и узнал тяжкы новости. Послі 10-дневного героичного опору украинскы войска дознали поражкы. Хотя Богдан, руководивший в тот момент войсками, выпровадил из оточения основны силы, но значна часть артиллерии и войск погибла. Литовскы войска также розбили части козацкых войск и посувалися на Києв. На Наддніпрянщину направилася также и головна польска армия. Украина переживала чорны дни. Столицу єй занял Радзивилл, Но борьба продолжалася. Украинский народ защищал кажду пядь родной земли. По приказу Хмельницкого києвскы міщане подпалили свой город, штобы выкурити из него врага. Радзивилл был змушеный оставити Києв и отказатися от плана цілковитого поневоления Украины.

Приближавшася зима, брак татарскых помочных войск, уклончива политика русского царя, страта значной части артиллерии — всьо тото принудило Хмельницкого итти на згоду с польскым правительством. Под Білом Церквом был заключеный тяжкий для Украины трактат.

Весном 1652 року знов починатся война. Хмельницкий блискавично кинулся на врага и под Батогом (Подолия) розгромил польску армию. В том бою згинул сам Калиновский. Около 10 тысяч наємной німецкой піхоты было знищено до послідного солдата. В тоты часы поровнували тоту побіду Хмельницкого с повідом Ганнибала над римлянами под Канами, с повідом, котра рахувалася примірном по храбрости бойцов и гениальности их вождя. Тота побіда Богдана Хмельницкого вконец освободила Наддніпрянщину и Києв от власти оккупантов.

Выполняючи волю украинского народа, Богдан Хмельницкий послал в Москву нове посольство, и при концу юня 1653 року получена была окончательна згода русского правительства на присоєдинение Украины до России.

Щестый рок продолжалася завзята борьба за независимость, честь и свободу Украины. Воля украинского народа к побіді оставалася несокрушимом. В числі десяток тысяч украинцев героично погиб в бою сын Хмельницкого — Тымиш.

Послі присоєдинения Украины до России русский и украинский народы вспольными силами боролися против своих експлоататоров, разом отражали нападения чужеземных наіздников на родну землю.

Великой миссии — освобождению от угнетателей остальных украинскых земель — посвятил Богдан Хмельницкий послідны рокы свого житя. В 1654 и 1655 роках украинскы и русскы войска, діючи разом, одержали ряд новых побід над врагами, в частности они освободили от оккупантов Белоруссию и Смоленщину.

Объединенны войска знов дошли до Львова, и Хмельницкий затребувал от польского короля, штобы он отказался от всякых претензий на Украину и вернул Украині западно-украинскы земли з городами: Владимиром, Львовом, Ярославом, Перемышлем.

В 1656 року Богдан тяжко захворіл и майже не вставал с постели. Рокы напруженой борьбы, рокы надлюдскых усилий взяли своє, подорвали желізне здоровье Хмельницкого. В конці юля 1657 року його не стало. 23 августа народ торжественно похоронил Богдана Хмельницкого в Субботові.

В нашу историю Богдан Хмельницкий вошол, як вызначный державный діятель, талантливый полководец, борец за присоєдинение Украины к России, борец за воссоєдинение украинского народа в украинской державі.

В тоты бурны дни, коли украинцы разом з другыми народами великого СССР, отбивают нашествие гитлеровской Германии и єй слугов, имя Богдана Хмельницкого напоминат о славном нашом минувшом и запалює каждого з нас на стойку, самопосвятну борьбу за нашу социалистичну отчизну, за єй честь и независимость.


[BACK]