Вспомну Не Раз — Антон Зяя, Anton Zaija
Вспомну не раз за старый край,
Наше родне село —
Як колиси давно было
Гарді и весело. . .

Там в Карпатах горы, лісы,
Берегы великы —
Шумят річкы с поточками
До Дунайца рікы. . .

Там то церкви, гарды школы
Люде збудували —
И читальні, Молочарні
С часом закладали. . .

А бурсакы нас навчили
Представления грати —
За читальню и просвіту
Як и другы, дбати. . .

А наймильшым моим місцом
Была Козяривка —
Бо там были добры хлопці,
Там была и дівка. . .

Там был Гриц, Янко, Асафат,
Зося и Марина —
Была Пазя и Юстина,
Не забыл Максима. . .

Там был Сидор Полыняка
И Семан Кулянда —
На гармоніі заграли —
Была ціла банда. . .

В днешні часы бандит Гитлер
Нашу Русь зруйнувал —
Бье, мордує нашых братов,
Землю сконфискувал!

Встанме мы, братья славяне,
За нашу свободу —
Дайме помоч в том несчастью
Русскому народу!

АНТОН ЗЯЯ,
Детройт, Мич.




ManyTimes43End



[BACK]