ЛЕМКЫ В ЮЖНОЙ АМЕРИКІ

До первой світовой империалистичной войны лемкы, як взагалі всі карпаторуссы спасалися от нужды в родном краю массовом емиграциом в Сіверну Америку, головно в индустригльны Соєдиненны Штаты. Но коли послі войны иммиграция в США была сильно ограничена, карпаторусска емиграция почала пробиватися в другы край Америкы, головно в Канаду. Мимо всякых перешкод в Канаду почавше от 1925 року выіхало с Карпат около 10 тысяч переселенцев, и єсли не было бы ниякых ограничений, выіхало бы далеко больше.

Кромі США и Канады лемковска емиграция почала пробиватися в Южну Америку — в Бразилию, Аргентину, Уругвай и другы южно-американекы республикы. О той нашой карпаторусской емиграции в Южной Амегикі мы дуже мало знаме, по той простой причині, што она рострясена, неорганизована. Много из нашых молодых людей там пропало без вісти от безроботя, нужды, голода. Нам попадали в рукы роспачливы писма, котры кашы иммигранты из Южной Америкы писали своим родным в США и просили их помочи им достатися назад на свою родку землю. Мы знаме, як то тяжко жити и як легко пропасти в чужом краю, меж чужыми людми, не знаючи их языка. Безсовістны южноамериканскы плантаторы выкорыстували такых страченых иммигрантов, примушали их тяжко працувати за лиху поживу в страшных условиях.

MontevideoLemkos

Но якоси читателі нашой газеты выслали своим родным в Южну Америку пару н-ров “Лемка”, потом предплатили пару родным и знакомым, так што нашы братя в Южной Америкі запозналися з нашом организациом и єй роботом и пришли на то, што и им там такой народной культурно-просвітительнон организации потребно.

Итак, познакомившися через нашу газету з организациом и довідавшися о собі, собралася их там перва группа лемков и основали таку организацию в Монтевидео, Уругвай и назвали “Товариство Лемко”. На поміщенной выше фотографии видиме тоту перву нашу народну организацию в Южной Америкі, основану в 1937-м року. При Товаристві Лемко основано драмкружок, котрый поставил на сцені пару нашых народных штук з великым успіхом. Дальше, при организации неграмотны учатся читати и писати, товариство старатся поширити газету и литературу Л. С. меж нашыми иммигрантами в Южной Америкі. Нашы страчены за долгий час люде починают находитися через таку свою организацию и помагати собі взаимно в житю. А притом учатся нового житя и борьбы за него в єдинстві с прогрессивными народными организациями Южной Америкы. Нашы братя порозуміли, што при свойой народной организации жити в чужом краю лекше.

—————о—————


[BACK]