Карпаторусска Секция Международного Робочого Ордена — Символ Солидарности Робочых В Америкі

Многы читателі Лемко календаря уже знают, што собою представляет Международный Робочий Орден, в котром, начинаючи с 1-го августа, 1940р., начала существовати самостоятельна Карпаторусска Секция. Для тых, кто ище мало знаєт о хосновитой роботі Ордена, думаеме написати сих пару рядков, штобы такым образом познайомити их с программой Ордена, и тым придбати их за членов Ордена, в котром каждый оден робочий найдет свого найблизшого приятеля, совітника и помощника в случаю нужды.

Международный Робочий Орден является братско-запомоговою робочою организацией. Сия робоча запомогова организация родилася всего 10 літ тому назад, 30 марта, 1930 рока. Днесь в Ордені нараховуется 165,000 членов. С появлением Ордена в Америкі было положено начало прогрессивному братско-запомоговому житю. Под прогрессивизмом Ордена подрозуміваеме то, што в программу Ордена вошол не фальшивый патриотизм, што мы видиме у большинства карпаторусскых запомоговых организаций, котры под покрышкою “русскости” обманюют народ, но слідуюча программа:

1. Борьба за социальне обезпечение американского народа посредством законодательства и братской взаимопомощи.

2. Доступное для всіх и дешевое обезпечение на случай смерти и хвороты.

3. Подвышение добробыта народа посредством кооперации с организованными роботниками и другыми такыми организациями, котры борются за робочы интересы.

4. Просвіщение робочых о правах и их объязанностях.

5. Обучение народа правдивому американизму и понятия принципов демократии и свободы, котры суть сформованы в Американской Конституции и в “Билль оф Райтс”.

Благодаря вышеприведенной программі Орден, котрый только 10 літ тому назад побачил світ, днесь объединяет в своих рядах 165 тысяч членов. Сей великий рост Ордена был зробленый за той час, коли карпаторусскы запомоговы организации тысячами тратили своих членов из-за своей діятельности. Тоді, коли “Грекокатолическое Соединение”, котре на своей конвенции 1940 р. выкинуло слово “карпаторусский”, утратило 60 тысяч членов за послідных 10 літ, коли Православное Соединение только за 1939 рок утратило выше 900 членов, а Общество Русских Братств до 6,000 членов, Международный Робочий Орден придбал 165 тысяч членов.



Paul Tovt, Monongahela; Maria Keen, Coaldale; A. Ruschak, Philadelphia; M. Katunak, Binghamton; S. Humetski, Carnegie; A. Kohanchuk, Coaldale; A. Pavlik, Cleveland; J. Adamiak, Brooklyn; M. Logoyda, New York; A. Ketch, Passaic; P. Guzley, Brooklyn; J. Krivoniak, Cleveland; J. Stutska, Elizabeth; E. Betley, New York; M. Dufinetz, Ambridge
Делегаты Карпаторусской Секции на 5-ом Съізді Ордена,
на Світовой Выставкі от 9 до 15 юня, 1940
Сидят (из права на ліво): Павел Товт, Мононгагела, Па.; Мария Кинь, Колдейл, Па.; А. Рущак, Филадельфия, Па.; М. Катунак, Бингамтон, Н. Й.; Ст. Гумецкий, Карнеги, Па.; А. Конончук, Колдейл, Па.; А. Лабик, Клевеланд, О.; И. Адамяк, Бруклин, Н. Й.

Sitting (from right to left): Paul Tovt, Monongahela, Pa.; Maria Keen, Coaldale, Pa.; A. Ruschak, Philadelphia, Pa.; M. Katunak, Binghamton, N. Y.; S. Humetski, Carnegie, Pa.; A. Kohanchuk, Coaldale, Pa.; A. Pavlik, Cleveland, Ohio; J. Adamiak, Brooklyn, N. Y.

Стоять: М. Логойда, Нью Йорк, Н. Й.; А. Кетц, Пассайк, Н. Дж.; П. Гузлей, Бруклин, Н. Й.; И. Кривоняк, Клевеланд, О.; И. Стуцка, Елизабет, Н. Дж.; Е. Бетлей, Нью Йорк, Н. Й.; М. Дуфинец, Ембридж, Па.

Standing: M. Logoyda, New York, N. Y.; A. Ketch, Passaic, N. J.; P. Guzley, Brooklyn, N. Y.; J. Krivoniak, Cleveland, Ohio; J. Stutska, Elizabeth, N. J.; E. Betley, New York, N. Y.; M. Dufinetz, Ambridge, Pa.



ШТО ЄСТ ПРИЧИНОЮ ТАКОГО ОГРОМНОГО РОСТА ОРДЕНА

Всі ті организации, котры утратили членов, звалюют вину на кризис, котрый шаліл над американскым континентом с 1930 року аж по 1934р. Однако той факт, што Международный Робочий Орден, котрый родился в кризисі и за час кризы придбал 165,000 членов, розбиват таке оправдание и показует на правдиву причину ухода членов от карпаторусскых запомоговых организаций, котры служат корытом для дакотрых фальшивых патриотов, што боятся труда.

Днесь много карпаторусскых людей гордится своим членством в Ордені, бо 10 літное существование Ордена открыло многым нашим людям очы, штобы ясно виділи, што обовязком одной запомоговой организации является не только брати от членов што місяця потом и мозолями зароблены членскы взносы, штобы такым образом забезпечити легке житя кучкі урядников, но вести борьбу за то, штобы робочы Америки, котры составляют 99% членского состава любой запомоговой организации, мали роботу, штобы робочы сей краины были спасены от непевной будучности, штобы діти робочых могли посіщати школы, штобы тым, котры не мают роботы, правительство давало або роботу, або таку подпору, яка бы могла забезпечити роботнику человіче житя, штобы боротися за тым, штобы жилищный вопрос Америкы был рішеный так, штобы не было такого дома в Америкі, котрый бы был без електрикы, без газу, без воды. З огляду на то, што Орден борется за вышеприведену программу, (бо Орден все держал своим обовязком заступитися за демократию и права робочых), Орден вырос за 10 літ на одну из найбольшых запомоговых организаций Америкы. Не дивно, што Международный Робочий Орден мает много ворогов, котрых мы находиме меже найчорнійшой реакцией, межи врагами робочых. Орден и его программу страшно не любят панскы слугы, фашистскы авантюрникы, котры бы любили запровадити в Америкі пансто фашизма над робочыми, стерта демократию. Однако чым больше нападают на Орден всякы слугы Гитлера, тым больше и тіснійше скуплюются около него робочы.



NatComm
Краевый Комитет Каргаторусской Секции Ордена.
Стоять: М. Логойда и В. Саламак. Сидять: П. Гузлей, А. Кец, и М. Лайчак.

Standing: M. Logoyda, V. Salamak Sitting:: Guzley, A. Ketch, and M. Liechak



ИЗ ЧОГО СКЛАДАТСЯ ОРДЕН

В 1940 року Орден складался из 12 народностных секций. Приводиме ті Секции по величині членства: американска, єврейска, русска, украинска, словацка, мадьярска, польска, итальянска, карпаторусска, румынска, сербска и испанска.

Каждого одного из нас ище в молодости учили, што в єдинстві сила. Орден является того найкрасшым доказом. Орден является також одным из найкрасшых приміров робочого братства, о котром нам только снилося. В краю нас учили ненавидіти оден другого, и як псов, всяки пански слуги тровили нас оден против другого, мадьяра против русского, поляка против украинца, серба против хорвата. А тут вам примір! Поляк идет рука в руці с русскым, украинцем. Наш карпаторусс идет рука в руці с мадьяром, бо каждый из нас отчувает то, што мы сами не зможеме помочи собі, а в єдности з другыми роботниками зможеме. Сознательны робочы мадьяре с однаковой силой ненавидят Гортия, як и карпаторуссы. Тому Международный Робочий Орден многыми робочыми называется “символом єдинства робочых”. Сего єдинства робочых найбольше боятся паны, бо таке єдинство означат конец знущания над робочыми, таке єдинство в практикі означат полное освобождение робочых от гнета пануючых. Тому Международный Робочий Орден прозывают всякыми именами. Паны знают то, што несвідомого робочого легко отстрашити, бо несвідомый человік боится своей тіни.

Всі вышеприведены секции в правлении Ордена мают ровне слово. Кажда Секция Ордена мает свого представителя в центральном уряді. Орден найлучше рішил народностну проблему, бо всім секциям Ордена дал полну автономию, полну свободу дійствий. То значит, што русскы пишут и ведут администрацию на русском, мадьяре на мадьярском, словакы на словацком языках. Не дивлячися на страшны напады со стороны реакции на Орден, за послідны 8 літ из межи всіх 209 запомоговых организаций Америкы, Орден вырос найбольше из всіх американскых братскых организаций.



SectionDel
Делегаты Отділов Карпаторусской Секции
Питтсбургщины на Окружном Съізді
в Питтсбургі в осени 1939.


ОРДЕН БЕСПЕЧНЫЙ И КРІПКИЙ

Международный Робочий Орден мает лайснис в 19 штатах Америкы. То означает, што стейтовы власти в 18 штатах дали Ордену полне право и законну защиту для ведения бизнесу. За десять літ свого существования Орден выплатил своим членам больше як 4 миллионы долларов в формі смертной, хворой подпор и людям хворым на сухоты и скалічившимся. Только за 1939 року Орден выплатил 800,000 долларов своим членам. Было многими примірами доказано, што Орден скорше всіх других запомоговых организаций спішит на помощь в біду попавшим своим членам и найскорше выплачует запомогу.

Помощь Ордена своим членам не ограничуется только выплатою всякых подпор. Освідомление робочых о их правах и борьба за социальне обеспечение, в великой мірі дополняют материальну помощь, котру выплачует Орден. В великих місцевостях Орден мает свои медичны центры, завдяки котрым просты робочы мают доступ к специалистам докторам за доступны ціны.

В Америкі находится 209 запомоговых организаций, котры признаны правительством и находятся под прямым доглядом иншуренсовых властей. Из межи всіх 209 запомоговых организаций наш Международный Робочий Орден занимат 2 місто по солвентности. По статистикі от 1929 року Международный Робочий Орден был на 140 процентов солвентный. То значит, што резервы Ордена были 40 процентами выше от того, што вымагают американски иншуренцовы законы. Резервы Ордена в апрілю 1940р. вынєсли $1,620,000.

Резервы Ордена инвестованы беспечно. Только $300,000 инвестовано в недвижимостях, а остальна сумма находится в стейтовых, городских або федеральных бондах. Сии бонды приносят Орденови до 5½% доходу рочно. Тому Орден только в том случаю может попастися до финансовых трудностей, єсли бы получился загальный крах всей Америки.


КТО МОЖЕТ СТАТИСЯ ЧЛЕНОМ ОРДЕНА

Точка 89 статутов Ордена голосит слідуюче: “Членом Ордена може статися кажда особа, доброго здоровя, здорового ума, котра провадит моральне житя, у вікі от 16 до 60 літ от роду, независимо от национальности, віры, пола, расы, цвіта кожи или политичных убіждений”. Из приведенного видно, што вся та брехня о том, што Орден коммунистичный, выдумка врагов Ордена, бо як из вышеприведенной точки каждый замітит, што членом Ордена может статися каждый здоровый чоловік, всякого политичного перереконания, всякой віры. До Ордену принимают також дітей до 16 літного віку, в дітску секцию Ордена. Кажда одна дитина в Ордені одержует не только обезпечеиие на случаи несчастья, но також науку о том, штобы выроснувши, діти не стыдалися своих родичов-роботников, но штобы сталися загартованными борцами за робочы права и за демократию. В каждом одном отділі Ордена на діточу активность звертается специальна увага под доглядом специалистов-инструкторов.


КАРПАТОРУССКА СЕКЦИЯ ОРДЕНА

До августа 1939 р. в Международном Робочом Ордені не было Карпаторусской Секции. Наш народ находился розкиданным по другим Секциям Ордена. В 1939 року, с 1-го августа, в Ордені начала существовати самостоятельна Карпаторусска Секция, котра мает полну свободу автономию для ведения культурно-освітной роботы, кромі той, яку она провадит в ділі забеспечения членов Секции.

За послідный рок Карпаторусска Секция Ордена выросла скоро на 1500 членов, так што в декабрі 1940р. в Карпаторусской Секции нараховувалося больше як 3000 членов. Отділы Карпаторусской Секции пороскиданы по всім закуткам Америкы, начинаючи от Чикаго через Детройт, Клевеланд, Питтсбург, Скрентон, Филадельфию, аж по Нью Йорк и Нью Джерзи. В каждом одном місточку, где находится отділ Карпаторусской Секции Ордена, наш народ начинат жити новым культурным житьем, бо члены отділов Карпаторусской Секции получают науку о том, як мают боротися за краше житя. По всім плейзам, где находятся отділы Карпаторусской Секции Ордена, ведеся культурна робота, якой ище наш народ не виділ. Карпаторусска Секция Ордена борется за освобождение нашого народа, находящогося под гнетом фашитскых горлорізов в краю. Мы боремеся за свободу нашого народа так тут в Америкі, як и в краю. Для осягнения сей ціли карпаторусский народ мает поддержку 165 тысячного членства Ордена.



ChildOrch
Діточа Оркестра Карпаторусского Отділа
в Пассайк, Н. Дж., котра выступала
на Світовой Выставкі в Нью Йорку
под час Съізда Ордена.


ВСТУПАЙТЕ В РЯДЫ
КАРПАТОРУССКОЙ СЕКЦИИ ОРДЕНА
— КРІПИТЕ ФРОНТ МИРА

Межи карпаторусским народом в Америкі ніт панов. Мы всі роботникы, майнеры, фармеры або малы бизнесмены. Всі мы старамеся обеспечити не только самых себе, но нашу цілу фамелию. Обеспечуємеся на случай несчастья и тому шукаєме за подходящим обеспечением, бо жиєме в таком світі, в котром сами маєме старатися о собі. Тому перед нами вопрос не в том, “ци хочу я себе обеспечити”, але в том, “яке обеспечение отповідат мойой кешені”?

Карпаторусска Секция Ордена маєт як раз таке обеспечение, яке вы шукаєте и котре сходится с вашими можливостями єго оплачовати. Робочий Орден основано специально для того, штобы роботникы могли обеспечити себе и их фамелии на случай смерти и хвороты.



CleveDeleg
Делегаты Карпаторусской Секции
на Окружном Съізді в Клевланді.


Робочий Орден може дати вам найлучше обеспечение за найнисшу ціну, бо Орден не является приватной компанией, для профита, но братской робочой запомоговой организацией. Орден не только запомогова организация, но прогрессивна робоча сила, большинство членов котрой берут участь в борьбі за социальное обеспечение, за мир и демократию.

Орден является найскорше росгущой организацией в Америкі. Орден робоча организация, она принадлежит своим членам, она вам дасть найдоступнійший иншуренц, тому вступайте в ряды ОРДЕНА.

Членом может статися каждый чоловік от 16 до 60 літ. Орден выплачует кромі смертных подпор и хворы подпоры своим членам в суммі от 4 до 10 дол. Члены Ордена в случаю хвороты на сухоты получают 600 дол. одноразовой подпоры або по 20 за ЗО неділь.

Орден является чисто американской запомоговой организацией и мает лайснис в 19 штатах Америки. Из того выходит, што Орден находится под прямым доглядом иншуренцовых властей каждого штата. Слово “межнародный” употребляется тому, бо в Ордені находится 14 разных народностей. Членами Ордена можут статися так американскы граждане (ситизены) як и не-граждане. В Ордені каждый роботник найдет свого найкращого помощника в біді и свого найщирійшого приятеля. Коли хочете чувствовати себе беспечны, коли хочете поддержовати свою народность и робочу справу, станте членом Карпаторусской Секции Ордена. От вам один взорец, як ціла фамелия в Ордені может обеспечитися за 2 дол. и 82 центы. Иван Рыбаль, 39 рочный, обеспеченый на 1000 дол. смертного и 8 дол. тыжневой хворой подпоры, што включает в собі право на получение по 20 дол. за ЗО неділь в случаю хвороты на сухоты и 400 дол. в случаю скалічения, платит в місяц 1 дол. и 48 цен. Його жена Мария 38р., маюча 500 смертной подпоры и право на сухотну подпору, платит 47 цен. в місяц. И дочка Анна, 18 рочна, маюча 250 дол. смертной подпоры и 6 дол. тыждневой подпоры, платит місячно 72 центы. Их найменший сын Михаил, 8 рочный, мает 250 дол. смертной подпоры за 15 центов в місяц, так што фамелия Рыбаря забеспечена за 2.82 в місяц. Вступайте в Карпаторусску Секцию Ордена! За всякой информацией пиште на слідуючий адрес:

International Workers Order, Inc., 80 Fifth Avenue, New York, N.Y.

[BACK]