Совітский Павильон на Світовой Выставкі в Нью Йорку

Совітский Павильон на Світовой Выставкы в Нью Йорку
WorldsFairSpacer

Многы из нас виділи Світову выставку в Нью Йорку, котру прикрашат и Совітский павильон, звернувший на себе увагу всей Америкы. Каждый признає, што из павильонов европейских держав, представленых на нью-йоркской світовой выставкі, Совітский павильон, як сама будова найкрасша, так и експонаты найинтереснійшы. И длятого тот павильон ціле літо был переполненый народом.

Злы люде называют Совітский павильон “большевистском прапагавдом”, забываючи, што каждый павильон, який лем стоит на той выставкі, ничому иншому не служит, лем пропаганді даной державы, або даной компании, корпорации, фирмы, своих выробов свойой культуры, наукы, техникы, устройства. И злы люде завидуют, што край социализма потрафил заинтересувати народ свойом культурой больше от других крайов.

Каждый знає, што Англия и Франция дуже богаты державы, край и народы, котры вели культурный перед в Европі, уважают себе за творцов новой цивилизации. И они хотіли показати тоту свою передовость и на Світовой выставкі в Ныо Йорку, никто не може даже припустити, што они не хотіли, абы и на выставкі были передовы. Но не вышло им, а вышло Совітскому Союзу, новой социалистичной державі. И єсли тота выставка доказує то, што она має доказувати о другых державах, то она єст доказом прогресса Совітского Союза, або тота выставка не доказує то, што має доказувати, бо Совітский Союз запросил английских и французских архитекторов, абы виробили планы його павильона, набрал до середины чужых експонатов, а англичанам и французам будували павильоны и устроювали их ничого нерозуміючы совітскы народы.

А што в то никто не поврит, то справедливы люде мушены признати огромный прогресс первой народной социалистичной державы и єй народов по Совітском павильоні на Світовой выставкі.



[BACK]