За Нову Европу

Трудно сего року написати до календаря о положении в світі, о войні и мирі, бо тото положение змінятся так скоро, як ище николи до сего часу. Коли тото пишеме, то знаме, што в Европі горит война меж Германном с одной стороны, а Англиом и Франциом з другой. Знаме, што Германия напала на панску Польшу и в протягу 20 дней покончила з ньом. Знаме, што Советский Союз взял под свою защиту 11 миллионов білорусского и украинского населения розвалившойся панской Польшы и совітска армия стала в Карпатах по ріку Сан. Знаме, што СССР через дружественны договоры с трома балтийскыми державами, Естониом, Латвиом и Литвом, пробил собі доступ до теплых, незамерзаючых портов Балтийского моря, котры му отрізали в Версалю бывшы союзникы России в світовой имлерналистичной войні. Но не всі русски земли ище под защитом и опіком Совітского Союза. Поза границы СССР находится Бессарабия, Буковина и наша Карпатска Русь. Будуча принадлежность тых крайов може рішитися в каждый день, потому што Советский Союз заявил всему світу, што он бере в защиту своих кровных братов. Може рішитися каждого дня самым Совітскым Союзом, коли тоты державы, в котрых жиє украинске и карпаторусске население, почнут розвалятися сами, як розвалилася Польша, або справа тых крайов и народов може быти рішена на мирной конференции, котра буде установляти новый порядок в Европі.

Бо и до такой мирной конференции може скоро придти. Никто не може сказати, як долго тога война в Европі може затягнутися, бо европейскы народы в кажду хвилю можут вырватися из-под контроля запалячов войны и подати собі братску руку. Бо сегодняшны управителі капиталистичных держав так само, як и в минувшу войну, не хотят сказати своим народам, зашто ведеся война, зашто миллионы людей мушены отдавати своє житя, зашто нищится людский доробок, зашто треба терпіти народу голод и нужду.

Английскы лорды и Французскы буржуи говорят своим народам, што они не ведут войну против Германии и германского народа, а против “гитлеризма”. Но тот “гитлеризм” до выбуху войны был ними вскормлюваный, укріпляный, против одинокой народной державы — Совітского Союза. Єсли они тепер так накидаются на тот “гитлеризм,” то лем зато, што Гитлер их ганебно ошукал, бо вмісто напасти на Совітский Союз, он, не хотячи выставляти Германию на войну з могучым СССР, заключил з ним договор о неагрессии, а звернулся против Англии и Франции, захватившых половину світа и всі морскы пути из Европы в Азию, Африку, Америку.

Розвал Польшы

В Версалі была отбудувана Польша. Власть в той новой Польші была отдана в рукы польской шляхты, котра воображала собі нову Польшу великом державом от моржа до моржа на старом шляхетском фундаменті, при старом средньовічном панщизняном порядку. Пан Пилсудский, вспомаганый западными империалистами, рушил на Києв, по Велику Украину, где польскы магнаты мали великы земны маєткы. Под Києвом полякы были розгромлены так, што решткы польской армии не оглянулися аж коло Варшавы, над Вислом. Англия и Франция прислали Пилсудскому помоч, модерне оружие, танкы, аеропланы, генералов и техников. Молода слабо вооружена Красна армия примушена было отступати от Варшавы, тым больше, што барон Врангель, при помочы тых самых Англии и Франции, почал наступати с юга. При помочы Англии и Франции польскы паны захватили знов русскы землі, як Галичину, Волынь, Западну часть Білоруссии, около 10 миллионов украинского и білорусского населения. Потом Польша захватила Вильно, столицу Литвы и часть литовской территории, як тоже отдали єй на западі часть Германии, заселеной німцами. Так што повоєнна Польша была зліплена с нецілой половины территории заселеной польскым населением, а с другой, большой половины территории заселенной білорусскым, украинскым, карпаторусскым (лемковскым) и другым населением. Полякы в той новой Польші становили заледво 60 процентов населения, 40 процентов становили другы народности.

border1
Smigly-Rydz
СМІГЛЫ-РЫДЗ, вождь польской армии, розгромленной в трох неділях німецком военном машином. Сміглы-Рыдз пред часом оставил свою армию и утік в Румынию.
border1

Но польске панске правительство совсім того под увагу не брало, што нова Польша складатся с половины чужых земель и чужого населения, оно сейчас от самого початку житя той новой Польшы почало переслідувати, насильно вынародовляти и истребляти национальны меньшинства, чым взбудило у тых меньшинств страшну ненависть к Польші.

А притом польске панске правительство вело шалену заграничну политику, воображаючи собі, што Польша уж велика держава и таке моцарство, котре може не рахуватися с тым, як относятся до ней такы сусіде, як СССР и Германия.

border1
AHitler
АДОЛЬФ ГИТЛЕР, вождь, диктатор и канцлер Третього Райха, находячогося в империалистичной войні с Англиом и Франциом.
border1

Коли Гитлер напал на Чехословакию, польскы паны помогли Германии уничтожити тоту малу славянску державу и поділити єй. Коли пришол час на Польшу, и Гитлер затребовал Гданска и корридора, польскы паны почали му грозити, што "непобідима польска армия” захватит цілу Пруссию, помашерує просто на Берлин.

Англия и Франция хотіли спасати панску Польшу, бо она им была потребна, не так против Германии, як против СССР. Но они знали, што без помочы СССР спасти Польшу не можут, и потому звернулися к СССР за помочом против Германии, але одночасно не хотіли допустити до того, абы совітскы войска вступили на территрию бывшой Польшы абы СССР обеспечился стратегично от Германии на Балтийском морі. Другыми словами, єсли представителі Англии и Франции переговоювали с СССР о взаимной помочы против агрессора, то лем для засліпления своих народов, а сами все надіялися, што остаточно Германия нападе на СССР и длятого в своих переговорах с СССР старалися спасти для Гитлера Балтийскы и польски пути для нападу на СССР. Для такого нападу они готовы были посвятити и свого союзника Польшу, як посвятили для той самой ціли Чехословакию.

border1
NChamberlain
НЕВИЛ ЧЕМБЕРЛЕН, английский премьер, мюнхенский махер против СССР, под котрым он копал яму, а тепер запровадил в тоту яму Англию и Францию.
border1

Причином совершенного банкротства политикы английскых лордов, франнузскых буржуйов и полвскх панов было тото, што они будували тоту свою политику на той основі, што таке порозуміние меж Германиом и СССР, абы тоты дві державы отказалися от войны меж собом, — не возможне. Всю свою политику они операли на непримиримости идеологий руководителей тых двох держав, на непримиримости двох противоположных наук и социальных порядков, котры, як были свято переконаны западны империалисты, мусят привести тоты два народы до взаимного истребления.

border1
EDaladier
ЕДВАРД ДАЛАДЬЕ, премьер и диктатор Франции, натравляющий в Мюниху Гитлера на Совітский Союз.
border1

На том основании Англия и Франция обовязалися обороняти Польшу, на том основании польскы паны вели таку карколомну шалену политику. И длятого тот договор меж Германиом и СССР о взаимном ненападении при конці августа сего літа был громом с ясного неба для английскых лордов, французскых буржуйов и польскых панов, и банкротством их политикы, а заразом стал причином розвала панской Польшы, той базы западных империалистов так против СССР, як и против Германии.

Панска Польша, то была перегнила держава до самого свого кореня. Така держава не могла удержатися на ногах о своих власных силах, держали єй на ногах лем тоты, котры єй збудували не для добра польского народа, а для свойой империалистичной спекуляции, в первой мірі против СССР. Польша, то была средновічна феодальна (панщизняна) держава што до социального устройства. Управляли том державом польскы магнаты, дідичы, шляхта — князі и графы, а помагали им держати польский народ в темноті, покорі и в сліпом послушенстві — католицкы ксьондзы. Пануюча клясса все больше и больше, через непосильны податкы на вооружения, на полицию, на бюрократию, обіднювала сельске население, а индустриальных роботников обіднювали фабриканты через постоянну знижку заробковой платы. Но ище страшнійше от польского народа польска пануюча клясса обіднювала национальны меньшинства на их территориях, не розвиваючи там ниякой промышленности, а убиваючи и то, што осталося по царской России и Австрии.

Коли Германия напала на Польшу, то она была уж так перегнила, што потребно было лем того удару, штобы в двох неділях тото ослаблене польском шляхтом мецарство розвалилося. Польска армия россыпалася в порох. Польске панске правительство, польскы министры и генералы на стремголов утікали за границы свого “моцарства”, оставляючи народ и решткы польской армии на произвол судьбы.

В тот час совітске правительство взяло под свою защиту украинске и білорусске население розвалившойся Польшы и совітска Красна армия заняла стары русскы землі, котры при помочы западных империалистов захватила панска Польша 20 літ тому назад.

Совітскы войска заняли Восточну Галичну аж по ріку Сян. Карпатска Русь, — то єст Подкарпатска Русь под мадьярскыми панами, Пряшевска Русь в Восточной Словакии под протекторатом Германии, и карпаторусска (лемковска) территория за Сяном по Дунаєц, — осталася тимчасово поза границами Совітского Союза.

Но ніт ниякого сомніния, што принадлежность нашого Родного Краю и народа буде рішена в його корысть, єсли не тепер по договору меж Германиом и Совітскым Союзом, то на будучой мирной конференции, на котрой будут рішати о свойой будучности сами народы, правдивы их представителі. О судьбі нашого карпаторусского народа, о його будучой принадлежности, буде рішати он сам, як и всі другы европейскы народы будут сами рішати о свойой судьбі, не будут рішати о их будучом житю и зависимости ни Англия, ни Франция, як рішали на Версальской конференции.

Совітский Союз — освободитель народов

border1
BMussolini
“нейтральный”
border1

Найліпшу гарантию освобождения нашого народа, як и каждого другого, от империалистов, дає нам Совітский Союз, котрый поставил в свою программу национальну и економичну свободу народов так великых, як малых. И он приступил до выполнения той свойой программы освобождением своих кровных братов, украинцев и білоруссов томящыхся в неволі панской Польшы. Розумієся, што то лем первый крок к освобождению всіх народов восточной и центральной Европы от западных империалистов и пануючых богатых классов, агентов английскых и французных лордов и капиталистов, котры диктовали свою волю всім меньшым державам в восточной и центральной Европі, створеним ними, яко воєнных баз против Германии и Совітского Ссюса. Для удержания свого порядну в восточной и центральной Европі, западны империалисты старалися за всяку ціну держати тоты дві великы державы, найбольшы европейскы народы, держати в незгоді на воєнной стопі, направляти Германию на Совітский Союз, а Совітский Союз на Германию. Но мудры руководителі совітской державы положили конец той грі западных империалистов заключением договора о ненападении с Германном котрым откинули западных империалистов от границ совітской державы.

Такий договор с Германиом мог быти заключеный лем завдяки могучости СССР, завдяки тому, што Германия не чувствувалася в силі вести войну против совітской державы. А то означат, што СССР буде мати рішающий голос в установлению нового порядку в Европі. Уж днес каждый може видіти, што голос СССР вершит в Европі над всіми другими. А тот голос не може быти другий, лем против поновного поневоления народов, за полну свободу каждого народа, великого и малого, и за братский союз всіх народов, за Соєдинены Штаты Европы, за Нову Европу, в котрой бы мож было жити, в которой бы люде и народы не нищилися взаимно не нищили свой доробок, не жили в вічном страху страшной войны, а наслаждалися плодами свого мирного труда, новой техники в промышленности и земледелии, новой людской культуры. За таку нову цивилизацию стоит СССР, таку цивилизацию має в свойой программі, и лем при такой цивилизации може существовати Европа.



[BACK]