Миллионеры — С. Пруглов
(Як газдуют на Совітской Украині — колхозникы)

В открыте окно домика заглянул бухгалтер (буккипер).

Председатель колхоза кликнул на него:

— Товариш Юрченко, подте гев! Ту народ вас жде.

Ледво бухгалтер вошол в комнату, як го обступили люде. Посыпалися вопросы:

— Ну, як Антон Иванович, обрахувал?

Через минуту бухгалтер сиділ разом с председателем за столом и переберал карткы колхозной книгы, заполненой цифрами. В комнаті отразу утихло.

— За цілый минувший рок наш колхоз “Большевик” получил за хліб и за всьо друге 384.590 рублей дохода, — сказал бухгалтер — А за осем місяцев сего рока мы маме уж 409.334 рублей чистого дохода. А ище не продано на 470 тысяч рублей зерна, праві на 100 тысяч арбузов (мелонов), капусты и картошкы, и больше, як 100 тысяч дадут молочны и скотоводскы фермы. Вот вам и миллион з гаком!

Зо всіх лавок и кресел роздалися радостны выкликы. В них чувствовалася гордость колхозников за плоды свого труда, за богатый сталинский уражай, за свой колхоз, котрый стал сего року миллионером. Каждый розуміл, як разом с колхозным вырос и його власный маєток.

Сегорочный богатый урожай и высока доходность уж сейчас переображує колхоз, його господарку, культуру, указує планы “на будуче”. Правление колхоза “Большевик” и рядовы колхозникы тепер уважнійше стараются: рішати вопросы, связаны с житьом колхоза.

На слідуючий день послі бесіды с бухгалтером отбылася встріча колхозников с повернувшими из Москвы с Всесоюзной земледільской выставки трактористами товаришами Беланом и Ковалем, управителем фармами тов. Сигайом и парт. организатором колхоза тов. Скубийом.

Их оповідание о выставкі колхозники слухали з великов увагов. Сигай и Скубий росповіли о том, што они виділи, вспомнули и о том; што на выставкі выставлены прекрасны кормовы травы, котры были выплеканы колхозниками на солончаку.

— А у нас корму для скота брак, хотя у нас соткы гектаров такой солончаковой земли пустком стоит. На слідующий рок треба конче тоту землю выкорыстати, а в план посівов внести новы культуры трав: суданку, еспарцет, фацелию, рисову кукурузу, — порекомендовали приіхавшы. Колхозники одобрили тою предложение.

Тов. Белан предложил односельчанам побудувати такий самый клуб, який он виділ на выставкі в отділі “Нове на селі”. Його мысль горячо поддержали всі колхозникы. Клуб колхоза “Большевик” тулится тепер в невеликой селянской хаті. Ище в весну правление рішило будувати новый клуб послі сбору урожаю. Принятый тогды план будовы сподабался всім колхозникам. А вот тепер, коли им тов. Белан росповіл о том клубі на выставкі, думка колхозников змінилася. Каждому захотілося, штобы колхоз мал клуб “по всім правилам”: с библиотеков, читальньов, комнатов отдыха, театральное и кино-гальов, кафе, биллиардом.

— Средств нам стане дост! — говорили колхозники. — И місце для парку єст.

Собрание рішило для початкових робот по будові нового клуба выділити 44 тысяч рублей, а предсідателю правления поручили привезти из Москвы, с выставки, план и рисункы виставленого там клуба.

Живо обсуждали колхозникы на-днях и вопрос о електрификации. Колхоз “Большевик” находится на километр от районного центра, но до сего часу не має електричного освіщения, бо у станции ніт дроту. Предсідатель колхоза тов. Белан предложил на засіданию колхозного актива набыти дроты за колхозны грошы. Активисты возразили: — А ци не мож, Илья Андреевич, вопрос о електрификации тепер иначе рішити? Станция нам даст електрику лем для ферм, а дротов треба на полтора километра. Ци не Лучше свой двигатель и динамку завести? Тогды мы заведеме електрику во всі нашы 300 домов. А уж час!

Новы планы вкладов, проекты будовы господарскых и культурно-бытовых будов, ясно свідчат о том, як в колхозі “Большевик” стараются о господарском укріпленню колхоза, як выросли и росширилися интересы колхозников.

Вот на якы цілы идут доходы от сегорочного богатого урожаю. На увеличение поголовья снота выдаєся 57 тысяч рублей; на набытя автомашин — 21 тысяч рублей; будова шпихліров — 67 тысяч рублей и т. д. Загальный вклад капитала перевысшат 225,000 рублей.

В неділимый фонд отчислятся 126 тысяч рублей, культурный фонд колхоза 37 тысяч рублей, для нагород стахановцам — около 10 тысяч рублей.

Взросло благостостояние и каждой колхозной фамилии. Около 300 колхозников и колхозниц желают набыти велосипеды, многы хотят купити мотоциклы, 100 людей Купуют патефоны, дакотры — радиолы.

— Та ци мож всьо перечислити, — говорит стахановец-тракторист тов. Коваль. — Лем смотте: в осени буде коло 100 весіль. А то значит, што потребно полсоткы комплектов хорошой мебели, полсоткы новых культурных квартир.

Сего року всі шесть полевых бригад добилися среднього урожаю жита, пшеницы, овса и ячменя, по 18 центнеров с каждого гектара.

— Ныні нашому селу исполнилося 163 рокы, — говорит стахановец Семан Петрович Курило, — а мі на осмый крестик перевалило. Но ни я ни мои діды не слышали николи, штобы в Петропавловкі, на єй солончаках и пісках соберали по 40 и 50 пудов с гектара. А тепер мы поверх 100 пудов с гектара береме, и все ище недовольны. В будучом року по полторы соткы пудов збереме.

Послі окончания головных полевых робот у колхозников тепер остаєся больше свободного часу. Партийна и Комсомольска организация колхоза сейчас стараются о органицию культурного, веселого отпочинку колхозников. Специальну увагу звертают на науку.

От сентября у школьников и колхозниц колхоза “Большевик” почался учебный рок. За книгу сіли орачы, сіячы, скотоводы. Праві всьо население колхоза учится в земледільскых кружках. Як лекторы призваны участники Всесоюзной Земледільской выставки и лучшы стахоновцы свого и другых колхозов.

В организации хорошо працуют комсомольцы. Створены кружкы: драматичный, танцов, пісни. Руководит ними выпрактикованый режиссер районного Дома культуры.

Холоднійшыми осенными вечерами селом плывут звонкы пісни колхозников. Пісни о радостной колхозной жизни.

(Корр. “Правды” — С. Пруглов).


[BACK]