Elizabeth40

Отділ Л. С. ч. 35 в Елизабет, Н. Дж. был оснований 17 апріля, 1932-го року при православной церкви на 3-ой улиці. Организатором нашого отділа был Юрко Чичила, но коли дознался, што наша организация не церковна, лем культурно-просвітительна робоча, отступил от ней. Но у нас нашлися уж люде, котры знали повести организацию дальше. До них належит наш долголітный отділовый секретар, Теодор Фучила.

Однако, як я вспомнул, наш отділ был оснований при церкви, так што мы свои отділовы митингы отбывали в церковной галі. Но хотя мы ниякой противцерковной роботы не вели, лем занималися своими организацийными ділами, дакотры засліплены люде, но и духовник, не могли нас коло церкви стерпіти и все нам мішали в нашых митингах. В декабрі 1935 року наш организатор Теодор Фучила скликал послідне собрание в церковну, галю, на котром было переголосувано, абы мы перенесли свои митины в Русский Народный Дом, в котром группуются емигранты из России. И такым способом члены нашого отділа пошли с прогрессом, а невылічальны нашы краяне осталися при церкви.

В 1936-ом року коло мужского отділа Л. С. был основаный и женотділ организации, котрый числит тепер понад 20 членкинь.

Члены Л. С. жиют в найліпшой згоді и братстві з русскыми братами из России. Мы все разом устроюєме предприятия, и николи меж нами ніт ниякой незгоды.

Николай Ришко, Секретар.


[BACK]