И. РУСЕНКО

ЛЕМКЫ



МЫ БІДНЫ уж з діда прадіда:
То духом хоц будме богаты,
И чести не дайме здоптати.
Віру в свободу най не зламе біда!

МЫ ТЕМНЫ — так гварят не лемкы:
То треба ку солнцу нам ити.
Бо солнце и для нас засвітит,
Не блудме все в коло потемкы.

МЫ СЛАБЫ, як гача до плуга:
То дружно ся берме до діла,
И буде в нас дораз моц-сила,
Лем треба спомочы друг-друга.

НАС МАЛО, то в Союз, громаду
Всі ходме и смотме довкола
Быстрыма очами сокола,
Кто з нами враз и де, кто з-заду.

МЫ МЯГКЫ — так гварят — як глина:
Гартуймеся вшыткы на груду
В пламени наукы и труду,
А стужат наша родина



[BACK]