ОТ КОЛХОЗНИКА ЛЕМКА
ИЗ СССР.



Братя-сестры з Лемковины,
Всі Карпатороссы —
Почытайте того верша,
Што он Вам доносит
3 далекого краю —
Вы всі знате ту державу,
Где я проживаю.
Проживаю я в крайні,
Где воля народа —
Солнце всходит все з Востока,
3 Востока свобода.
То держава єдна в світі
Имя носит Ес-Ес-Ер —
Малы діти за ню знают
И розумят уж тепер!
Братя-сестры з Лемковины,
Треба ся єднати —
Як хочете в світі жыти,
Свою правду мати!
Готовтеся, братя-сестры,
Руснакы, полякы —
Бо ся зближат наш день бою,
Кровавой атакы!
Готовтеся, братя-сестры,
Противко фашизма —
Бо пропаде вам от него
Жытя и отчизна!
Пишу правду, бо я хлоп,
Пишу по простому,
Пишу щиро, як хлоп хлопу
И брату родному!
Богата наша держава,
Та и мы з ньом разом,
Не слухаме ни поповскых,
Ни панскых приказов!
Газдуєме собі вспольно!
В нашой господаркі —
Ніт уж веце ни незгоды,
Ни на меджах сваркы!
Хліба маме уж по очы,
Ланы засіваме —
Не сваримеся на грунтах,
Бо грунту дост маме!
Вшыткы ланы и поляны
Попали нам в рукы —
Пролетарской диктатурі
Ленинской наукы.
Кто наукі той перечыт,
То достане буком!
Наша хлопска Красна армия
Стоит на сторожі —
Всіх агентов, подлых шпионов
Ловит на порозі!
А агенты от Гитлера
И подлы троцкисты —
Нашли у нас сой могилу,
Можеме повісти.
Гитлер-Троцкий-Папа римский
Нова тройца свята —
Хотіли бы гев над нами
Зас запанувати.
Гитлер-Троцкий-Муссолини
“Великы панове” —
Так думают лем темнякы!
Таж они збуйове!
Кто ма очы, то тот видит,
Што они за єдны:
Што они ани не люде,
Лем гадины вредны,
Што кусают народ бідный,
Смерть сіют по світу —
Што тых гадов тра зо світа
Уж раз ся позбыти!
А пребачте тому вершу,
Што кепско зложеный —
Бо я простый хлоп с Тылявы,
Нияк не ученый!
Пахом Панцьо,
с Тылявы.
Мой адрес:
СССР. Азово-Черноморский край —
Павловского района —
Междуречинский Хутор.


[BACK]