OldNewDemo

Стара Демократия.

ГРЕЧЕСКЕ СЛОВО “демократия” значыт по нашому власть народа. Напротив того єсть “автократия”, што значыт власть одного чоловіка, царя деспота, диктатора — “плютократия” власть богачов, и т. д.

Демократичными державами называме тоты державы, где граждане державы всенародным голосованием выберают своє правительство, то значыт парламент, законодательну власть, а тот парламент выберат выконуючу власть, правительство. В Америкі, приміром, даже президента выберат народ, беспосередно, через выбор специальных електоров президента.

Америка, Англия, Франция, Чехословакия, уходят сегодня за приміры демократичных держав. В тых державах народ выберат своє правительство тайным, беспосередным голосованием.

На первый взгляд здаєся, што уж ниякой ліпшой демократии не може быти, што при таком тайном, беспосередном всенародном голосованию каждый голосує в народном интересі, и тот парламент и правительство, выбране народом, нияке инше не може быти, лем народне, служыт народу. Но коли присмотримеся ближе, то увидиме, што в тот парламент и в правительство достаются такы люде, што не служат народу, а богатой и упривилегиованой кляссі, буржуазии, духовной кляссі, и вмісто установляти законы в корысть народной массы, они установляют законы в корысть богатой кляссы, боронят старых классовых привилегии и дают новы, росшыряют привилегии богатой кляссы, духовенства, поміщиков, фабрикантов, державных урядников, генералов и офицеров, а на народ накладают все большы тягары. Як то так дієся, и длячого так дієся? Длячого народ выберат такых своих представителей? Длятого, што як долго в державі существуют богаты и упривилегиованы кляссы, так долго в той державі не може быти правдивой демократии, так долго народ не може выбрати собі вірных представителей, бо не народ выберат, а капитал, богаты кляссы выберают и ставлят правительство в державі. Правда, народ голосує, но голосує на слугу богатой кляссы, по свойой несвідомости, голосує на того, кого поставит богата клясса.

Демократичный кандидат на сенатора в Мейн пропал при выборах, побил го республиканский кандидат. Послі выборов демократичный кандидат выразился, што коли бы он мал столько гроша на выборы, што мал республиканец, то бы выбрал сенатором и “чайнмена”. Сказал правду, не лем што до Мейн, але сказал правду о всіх т. з. народных выборах в буржуазных демократичных державах. Пропал он длятого, што Дюпоны, Рокфеллеры и другы грубы капиталисты дали больше грошей республикану, як дали меншы капиталисты демократу. Без грошей не обышолся однако ни єден ни другий. И коли бы “чайнмен” достал на выборы ище больше грошей, то бы вышол “чайнмен”. Но мы собі представме, што кромі тых беспосередных грошей на выборы, буржуазия має в руках праві всю прессу, радио, добрых хитрых ученых бесідников и платных агитаторов, котры можут зробити из білого чорне, из чорного біле. Кромі того ціла машина державна, всі уряды, от послідных выборов, в руках буржуазии, вірных слугов богатой кляссы, всі “дзябы”, робота и средства до жытя в их руках, так што всеобщы, тайны, беспосередны выборы, то лем форма — и сама буржуазна демократия, то лем форма для народа, бо сама власть остаєся все в руках богатой, упривилегиованой кляссы. Буржуазна демократия, то фактично диктатура буржуазии над народном массом, посредством богатства, маєтку, средств до жытя: “Достанеш істи, достанеш “дзяб”, як будеш мене слухати, бо я мам “дзябы” и всі средства до жытя!”

Правда, буржуазия поділена тоже на кляссы, на упривилегиованы группы, и тоты группы ривализуют, борются меж собом, конкуруют. Кажда из них хоче ліпшы привилегии в державі, кажда бореся за всю власть в державі, штобы свою группу найліпше упривилегиовати. И тот поділ буржуазии на группы, тота борьба и конкуренция меж ними вылялася в политичны партии, котры ведут борьбу за власть тых буржуазных групп в державі и за большы привилегии для своих групп. Тоты группы организуют свои партии, штобы они зберали для них голосы у народа. Политичны партии, всякыми штуками, грошми и обіцанками стараются взяти народну массу на свою сторону. Не о массу им росходится, о єй добро, а о голосы той массы.

Партии в буржуазной демократичной державі, то нич инше, лем политичне орудие буржуазных групп, для политичной борьбы групп, за власть в державі, штобы росшырити свои привилегии в державі коштом другых групп, но найбольше коштом народа.

Присмотмеся Чехословакии, одной из держав, котра осталася ище вірна старой, буржуазной демократии. Чехословакия отзначатся тым, што має множество партий. Кажда из тых партий представлят даяку группу буржуазии, кромі народных партий, до котрых можна зачыслити чешскых народных социалистов, социалистов и коммунистов, из котрых ни чешскы социалисты, ни социалисты, не дуже вірны народу, бо оттягаются до тепер от єдиного Народного Фронта.

Нам, в Подкарпатской и Пряшевской Руси извістны найбольше, кромі тых трох народных чехословацкых партий — три сильны буржуазны партии, а то народны демократы, аграры и партия людова. С тыма 6 найбольшыми партиями нашы карпаторусскы политикы входят в порозуміния, в союзы, агитуют за ними и зберают голосы среди нашого карпаторусского народа. Поминме тоты т. з. “социалистичны три партии”, а присмотмеся тым найсильнійшым тром буржуазным чехословацкым партиям.

Кого представляют и за чыи привилегии стоят “народны демократы”? Хоц они называются и “народны” и “демократы”, они за ниякий народ не стоят, они за грубых чехословацкых богачов, тоты грубы чехословацкы богачы организовали тоту партию для обороны своих привилегий и своих богатств. Но сами богаче, своими голосами, не можут выбрати ани одного посла до парламенту, они мусят глядати голосов у бідного народа, але лем у того народа, котрый найменше свідомый своих интересов. И тота богацка чехословацка партия пришла и до найбіднійшого, карпаторусского народа за голосами. Мы же всі знаме, што т. з. Русска Народна партия голосовала на тоту найбогатшу чехословацку партию, на партию чехословацкых фабрикантов и банкиров. Зато народны демократы давали грошы для той Русской Народной партии, котры то грошы нич не помогли нашому народу, а лем самым чехословацкым богачам. Розумієся, што в парламенті тоты “народно-демократичны” послы стараются ухвалити такы державны законы, штобы богаче могли ище больше богатітися, штобы звалити податкы, порции, из себе на народ, штобы укоротити права роботников, котры працуют в их фабриках, и другы законы против интересов народа, а для росшырения привилегий найбогатшой группы, чехословацкых фабрикантов и богатых купцов, коштом другых групп, но передовсім коштом бідного народа, бідной кляссы, коштом массы своих выборцов.

Аграрна партия, то представителька группы богатых чехословацкых земных посідателей, поміщиков цукроваров и богатых чешскых и словацкых газдов. Но тоты цукровары и богаты газдове тоже не можут выбрати своих послов, може и одного не могли бы выбрати сами, зато они подходят до бідных земледільцов, або попросту безземельных селян, и повідают, што они такы самы земледільцы, што земледільцам треба триматися разом и голосовати на земледільску партию. И вірят бідны, несвідомы карпаторусскы селяне, што они такы самы земледільцы, як и тоты богаты цукровары, тай голосуют на аграрну партию и помагают єй достати в рукы власть в державі, большинство в парламенті и правительстві. Розумієся, што тоты аграры стараются о “земледільцов”, але лем о тых богатых, бо тоты богаты своим богатством контролюют партию, єй прессу и єй кандидатов и послов.

Людова партия, хоц она называтся людова, она поповска, клерикальна партия, и старатся лем о привилегии духовенства. Як тамты группы, так самы духовникы не могли бы выбрати, може лем єдного посла, и потому они удаются за голосами до бідного, несвідомого, а побожного народа, котрый их выберат послами, штобы боролися за свои духовны привилегии, а против интересов бідного народа.

Всі тоты группы, упривилегиованы кляссы, коли росходится о их вспольны интересы, против народных интересов, соєдиняются, их партии идут разом, соглашаются против народных партий, знают як одорвати поодинокых послов, або и цілы разны “социалистичны” партии от народного фронта, бо они мают богатство, грошы, прессу и контролюют всі средства до жытя. Через тоты богатства, грошы, прессу средства до жытя, и при помочы народной темноты, богаты кляссы управляют державом в свойом интересі, для дальшого свого взбогачения, а для дальшого обіднения народа.

При сторой демократии, мимо загальных выборов, богата клясса, через своє богатство, диктує державны законы в свойом интересі.

Значыт то, што при приватной власности на земны богатства и средства продукции, на средства до жытя, не може быти правдивой демократии, правдивой народной власти. Значыт то, што тот чоловік, ци тота группа, ци группы, котры посідают богатства — пануют над народом, ци то в демократичной, ци в фашистской державі.

В чом-же рижница для бідного народа в державі буржуазной демократии, а в фашистской державі? Лем тота рижница, што в буржуазно-демократичной державі народ має право учытися, просвіщатися, глядати новой правдивой демократии, має право организоватися и стреміти до свойой власти. В фашистской державі тото право от народа отнято богатом классом, зо страху, што при такой свободі народ може порозуміти, як он ошуканый. Богата клясса, через фашизм, уничтожат решткы свободы слова и прессы, уж и тоту свободу голосования, бере диктаторску власть, бо она не може позволити голосувати против себе, не може позволити выбрати правдиве народне правительство.

Коли мы сегодня чуєме о фашизмі, то нич тот фашизм инше не значыт, лем уничтожение и той старой буржуазной демократии, по той причині, што народ приходит до розума, и не хоче больше быти сам против себе орудием в руках богатой кляссы.

Правдива свобода, правдива демократия, правдива народна власть може быти лем при економичной свободі, коли жытя миллионов граждан не зависит от даякого єдного миллиярдера, або группы миллиярдеров, котры присвоили собі богатство державы, всі средства до жытя граждан, и через тото присвоєне богатство диктуют свою волю цілому народу, выберают правительство, котрому тоже диктуют свою волю, а народ, то лем их орудие для дальшого их взбогаченя. Жытя и розвитя народа, його прогресс, зависит от них. Всьо жытя и його розвитя, при помочы свойой прессы и школы направляют в тоту сторону, котра им выгодна, а коли народ почне розвиватися в природну сторону людского прогресса, загального людского добра, они, при помочы фашистской диктатуры, стараются застановити тото природне розвитя. Хоцбы пришло уничтожыти, истребити миллионы народа, весь його культурный доробок, школы, книжкы, они перед нияком збродньом не остановятся, штобы лем спасти присвоєне богатство и власть над массом.

Думаючому чоловіку не треба долго толкувати, што сила и власть в державі зависима от богатства, от капитала. Хоц тота власть, правительство, устройство, носит имя демократии, то тота демократия фальшива, и так долго остане фальшива, покаль природны богатства той державы и средства продукции будут належати до єдиниц и малых богатых групп.


Нова Демократия.

На нашых очах родится нова демократия, демократия правдива — правдива власть народа, в Сов. Союзі, котра послужыт цілому світу за примір для нового, правдивого демократичного устройства народов и их держав, котра открыла двери до постоянного, никым неограниченого, никым не гамуваного прогресса, людской свободы и людской культуры. Тоту нову демократию принесла світу Русска Революция, котра скинула из плеч народов старой царской России власть царя и богатых упривилегиованых групп: поміщиков, капиталистов и духовенства, а призвала до власти пролетарият, значыт найбіднійшу классу роботников и селян.

Перва власть в России по революции называлася “диктаруром пролетарията”, значыт диктатуром найбіднійшой кляссы, котра была без поровнаня найбольша, то была масса бідного и темного народа. Розумієся, што тота бідна и заотстала масса бідных роботников и селян не могла сама исполняти власти, в имени той бідной массы исполняла диктаторску власть в державі ВКП(б) (Всесоюзна Коммунистична Партия большевиков) с помочом свідомых классово роботников так долго, покаль не знищыла силу богатых упривилегиованых клясс в державі и не воспытала массу народа в духі новой, бесклассовой демократии, в духі социализма.

Уж в тоты часы по революции, в часы воєнного коммунизма, тоту власть совітов и коммунистичной партии, можна скорше назвати властьом народа, демократиом, як буржуазну демократию, потому што тото совітске правительство исполняло свою власть в интересі большинства народа, хоц то была дцктаторска власть. Но уже в тоты часы тото совітске правительство мало в свойом плані, в свойой программі, отдати всю власть народу, через тайный, беспосередный, ровный для всіх выбор всеобщым народным голосованием свого народного правительства. Но тота конституция, по той их программі и плану могла быти дана совітскым народам аж в тот час, коли они порозуміют социализм и переконаются сами на примірах нового господарства, што нова социалистична система господарства высша и корыстнійша для народа, от старой капиталистичной системы.

Минуло 19 літ от Русской революции, и за тых 19 літ совітскому правительству удалося доказати на примірах, што в господарстві социализм побідил капитализм. За тых 19 літ совітске правительство, при помочы той новой системы господарства, перетворило стару заотсталу индустриально Россию, в передову индустриальну и земледільску державу світа. Доказало народным массам Совітского Союза, што социализм не знає кризисов, не знає границ обогачения, але не єдиниц, або даякых групп, а всего народа. За тоты 19 літ стратилися в Сов. Союзі кляссы, а пришло бесклассове общество, ровны пред законом и в державном богатстві, граждане, властителі незмірного державного богатства. Всі однакове право мают до того богатства, всі однакове мают право на роботу, на науку, на жытя. Их народне жытя, розвитя и прогресс не контролюют капиталисты, ниякы упривилегиованы группы и их партии.

И што мы видиме? Видиме, што тоты диктаторы Сов. Союза, котрыма сегодня страшат в другых державах роботников и селян, отдают добровольно свою власть в рукы всего народа, объявляют добровольно и с великом радостьом Проект Новой Совітской Конституции, котра ровнат всіх граждан державы и дає им совершенну свободу выбора свого народного правительства. Того в истории ище николи не было, штобы диктаторы добровольно отдавали власть народу, первый раз сталося то в Сов. Союзі.

OldNewDemoPic

ПРОЕКТ НОВОЙ СОВІТСКОЙ КОНСТИТУЦИИ

ГЛАВА І.

Социальне Устройство.

Статья 1. Союз Совітскых Социалистичных Республик єст социалистична держава робочых и селян.

Ст. 2. Политичну основу СССР составляют Совіты депутатов трудящыхся, котры выросли и окріпли в результаті свержения власти поміщиков и капиталистов и установления диктатуры пролетариата.

Ст. 3. Вся власть в СССР принадлежит трудящымся міст и сел в лиці Совітов депутатов трудящыхся.

Ст. 4. Економичну основу СССР составляют социалистична система господарства и социалистична власность на орудия и средства продукции, котры утвердилися в результаті отстранения капиталистичной системы господарства, скасуванья приватной власности на орудия и средства продукции и уничтожения вызыску человіка человіком.

Ст. 5. Социалистична власность в СССР має або форму державной власности (всенародне ростояние) або форму кооперативно-колхозной власности (власность отдільных колхозов, власность кооперативных объєдинений).

Ст. 6. Земля, єй поклады, воды, лісы, заводы, фабрикы, майны, копальни руды, желізнодорожный, водный и воздушный трансспорт, банкы, средства связи, организованы державом великы земледільскы предприятия (совхозы, машино-тракторны станции и т. п.), а также основна масса мешкальных домов по містах и промышленных пунктах являются державном власностьом, то-єст всенародным достоянием.

Ст. 7. Вспольны предприятия в колхозах и кооперативных организациях, с их жывым и мертвым инвентарьом, выпущена колхозами и кооперавными организациями продукция, подобно як и вспольны будовы составляют вспольну, социалистичну власность колхозов и кооперавных организаций.

Каждый колхозный господар має в свойом особистом ужытку невеликий коло хаты положеный кавалок поля и в особистой власности додаткове господарство на том кавалку поля, дом, продуктивный скот, птицу и дробный земледільский инвентар — згодно с уставом земледільской артели.

Ст. 8. Земля, занята колхозами, записуєся на них до ужытку на неограниченый час, то-єст навічно.

Ст. 9. Обок социалистичной системы господарства, котра сталася пребладаючом формом господарства в СССР, допускаєся законом дробне приватне господарство поодинчых селян и ремесленников, основане на особистом труді и исключаюче вызыск чужого труда.

Ст. 10. Особиста власность граждан на их трудовы доходы и ощадности, на помешкальный дом и додаткове домашне господарство, на предметы домашного господарства и ужытку, подобно як и на предметы особистого потребления и удобства, охоронятся законом.

Ст. 11. Господарске жытье СССР вызначаєся и прямуєся державным народногосподарскым планом в интересах увеличения вспольного народного богатства, неуклонного поднятия материяльного и культурного уровня трудящыхся, укріпления независимости СССР и усиления його обороноспособности.

Ст. 12. Труд в СССР являєся обовязком каждого способного к труду гражданина по принципу: “Кто не працує, тот не іст.”

В СССР осуществляєся принцип социализма: “От каждого по його способностям, каждому — по його труду.”

ГЛАВА ІІ.

Державне Устройство.

Ст. 13. Союз Совітскых Социалистичных Республик єст союзна держава, створена на основі добровольного объєдинения ровноправных Совітскых Социалистичных Республик:

Российской Совітской Федеративной Соц. Республикы,
Украинской Сов. Соц. Республикы,
Білорусской Сов. Соц. Республикы,
Азербайджанской Сов. Соц. Республикы,
Армянской Сов. Соц. Республикы,
Узбекской Сов. Соц. Республикы,
Таджикской Сов. Соц. Республикы,
Казахской Сов. Соц. Республикы,
Киргизской Сов. Соц. Республикы.

Ст. 14. Юрисдикции Союза Сов. Соц. Республик в лиці його высшых органов власти и органов державного управления подлежат:

а) представительство в международных сношениях, заключение и ратификация договоров с другыми державами’

б) вопросы войны и мира;

в) принятие в склад СССР новых республик;

г) контроль за исполнением Конституции СССР и обеспечение згодности Конституций Союзных Республик с Конституциом СССР;

д) утверждение змін границ меже союзными республиками;

е) организация обороны СССР и руководство всіми вооружеными силами СССР;

ж) загранична торговля на основі державной монополии;

з) охорона державной безопасности’

и) установление народно-господарскых планов СССР;

к) утверждение єдиного державного бюджета СССР, а также податков и доходов, поступаючых на створение бюджета СССР, бюджетов союзных республик и містных бюджетов;

л) управление банками, промышленными и сельско-господарскыми институциями и предприятиями, а также торговыми предприятиями общесоюзного значения;

м) управление транспортом и связью;

н) руководство грошевом и кредитном системом’

o) организация державной ассекурации маєтку;

п) заключение и выдача пожычок;

p) установление основных правил землепользования, а также пользования минеральными богатствами, лісами и водами;

т) установление основных правил в области просвіщения и охороны здоровля;

т) организования єдиной системы народно-господарского обрахунку;

у) установление основ законодательства о труді;

ф) законодательство о организации судов и судовой процедурі; карный и гражданский кодексы;

х) законы о союзном гражданстві; законы о правах граждан другых держав;

ц) издание общесоюзных актов о амнистии.

Ст. 15. Суверенитет союзных республик єст ограниченый лем в преділах, указаных в Ст. 14 Конституции СССР. Поза тыми преділами кажда Союзна республика выполнят державну власть самостоятельно. СССР охоронят суверенны права союзных республик.

Ст. 16. Кажда Союзна республика має свою Конституцию, увзглядняючу особенности республикы и построєну в полной згоді с Конституциом СССР.

Ст. 17. Каждой Союзной республикі оставляєся право свободного выступления из СССР.

Ст. 18. Территория союзных республик не може быти змінена без их згоды.

Ст. 19. Законы СССР мают одинакову силу на территории всіх союзных республик.

Ст. 20. В случаю розбіжности закона Союзной республикы с законом общесоюзным дійствує общесоюзный закон.

Ст. 21. Для граждан СССР установляєся єдине союзне гражданство. Всякий гражданин Союзной республикы являєся гражданином СССР.

Ст. 22. Российска Сов. Фед. Соц. Республика складаєтся из краєв:

Азово-Черноморского, Дальне-Восточного, Западно-Сибирского, Красноярского, Северо-Кавказского; областей: Вороженской, Восточно-Сибирской, Горьковской, Куйбышевской, Курской, Ленинградской, Московской, Омской, Оренбургской, Саратовской, Свердловской, Северной, Сталинградской, Челябинской, Ярославской; автономных совітскых социалистичных республик: Татарской, Башкирской, Дагестанской, Бурято-Монгольской, Кабардино-Балкарской, Кальмыцкой, Карельской, Северо-Осетинской, Удмуртской, Чечено-Ингушской, Чувашской, Якутской; автономных областей: Адыгейской, Еврейской, Карачаевской, Ойротской, Хакасской, Черкесской.

Ст. 23. Украинска Сов. Соц. Республика складатся из областей: Винницкой, Дніпропетровской, Донецкой, Києвской, Одесской, Харьковской, Черниговской и Молдавской Автономной Сов. Соц. Республикы.

Ст. 24. В Азербайджнаской Сов. Соц. Республикі находятся: Нахичеванска Автономна Сов. Соц. Республика и Нагорно-Карабахска автономна область.

Ст. 25. В Грузинской Сов. Соц. Республикі находятся: Абхазска АССР, Аджарска АССР, Юго-Осетинска автономна область.

Ст. 26. В Узбекской Сов. Соц. Республикі находится Кара-Калпакска АССР.

Ст. 27. В Таджикской Сов. Соц. Республикі находится Горно-Бадахшска автономна область.

Ст. 28. Казахска Сов. Соц. Республика складатся из областей: Актюбинской, Алма-Атинской, Восточно-Казахстанской, Западно-Казахстанской, Карагадинской, Южно-Казахстанской.

Ст. 29. Армянска ССР, Білорусска ССР, Туркменска ССР и Киргизска ССР не мают в свойом составі автономных республик, ни краєв и областей.

ГЛАВА ІІІ.

Найвысшы Органы Державной Власти
Союза Совітскых Социалистичных Республик.

Ст. 30. Найвысшым органом державной власти СССР являєся Верховный Совіт СССР.

Ст. 31. Верховный Совіт СССР осуществляє всі права присвоєны Союзу Сов. Соц. Республик, согласно Ст. 14 Конституции, о скилько они не входят, в силу Конституции, в компентенцию подчыненых Верховному Совіту СССР органов СССР: Президиума Верховного Совіта СССР, Совіта Народных Комиссаров СССР и Народных Комисариятов СССР.

Ст. 32. Законодательна власть СССР осуществляєтся лем Верховным Совітом СССР.

Ст. 33. Верховный Совіт СССР складатся из двох изб: Совіта Союза и СовІта Национальностей.

Ст. 34. Совіт Союза выбираєся гражданами СССР по нормі: один депутат на 300 тысяч населения.

Ст. 35. Совіт Национальностей творится из депутатов, назначеных Верховными Совітами союзных и автономных областей: по 10 депутатов от каждой союзной республикы, по 5 депутатов от каждой автономной республикы и по 2 депутаты от каждой автономной области.

Ст. 36. Верховный Совіт выбираєся на 4 рокы.

Ст. 37. Обі избы Верховного Совіта СССР: Совіт Союза и Совіт Национальностей — ровноправны.

Ст. 38. Совіту Союза и Совіту Национальностей в одинакой мірі принадлежит законодательна инициятива.

Ст. 39. Закон получає полну силу, єсли был принятый обома избами Верховного Совіта СССР простым большинством каждой.

Ст. 40. Законы, приняты Верховным Совітом СССР, публикуются за подписами предсідателя и секретаря Президиума Верховного Совіта СССР.

Ст. 41. Сессии Совіта Союза и Совіта Национальностей начинаются и закончуются в тот самый час.

Ст. 42. Совіт Союза выбирає предсідателя Совіта Союза и двох його замістителей.

Ст. 43. Совіт Национальностей выбирає предсідателя Совіта Нац. и двох його замістителей.

Ст. 44. Предсідатели Совіта Союза и Совіта Национальностей руководят засіданими своих изб и регулюют их внутренный роспорядок.

Ст. 45. Совмістны засідания обох изб Верховного Совіта СССР ведут поочередно предсідатели Совіта Союза и Совіта Национальностей.

Ст. 46. Сессии Верховного Совіта СССР созываются Президиумом Верховного Совіта СССР два разы до року.

Чрезвычайныи сессии созываются Президиумом Верховного Совіта СССР по його власному усмотрінию або по требованию одной из союзных респувлик.

Ст. 47. В случаю ражногласия меж Совітом Союза и Совітом Национальностей вопрос передаєся на рішение примирительной комиссии, установленой на ровных началах из представителей к согласному рішению або єсли єй рішение не удовлетворяє одну из изб, то тот вопрос обсуждаєся вторично в избах. Єсли и так не можна дойти до согласного рашения двох изб, то Президиум Верховного Совіта СССР роспускат Верховный Совіт СССР и назначат новы выборы.

Ст. 48. Верховный Совіт выбират на совмістном засіданню обох палат Президиум Верховного Совіта СССР в составі: предсідателя Президиума Верховного Совіта СССР, штырох його замістителей, секретаря Президиума и 31 члена Президиума.

Президиум Верховного Совіта СССР єст подчыненый Верховному Совіту СССР во всей своєй діятельности.

Ст. 49. Президиум Верх. Совіта СССР;

а) созыває сессии Верх. Совіта СССР;

б) дає толкование дійствуючых законов, выпускаючы отвітны указы;

в) роспускат Верховный Совіт СССР на основанию 47 статьи Конституции СССР и назначат новы выборы;

г) производит всенародный опрос (референдум) по свойой инициативі або по требованию одной из союзных республик;

д) касує постановления и роспоряжения Совіта Народных Комиссаров СССР и Совітов Народных Комиссаров республик, єсли они незгодны с законом;

е) в часі меже сессиями Верховного Совіта СССР отрішат от должности и назначат отдільных Народных Комиссаров СССР по представлению предсідателя Совіта Народных Комиссаров СССР с наступным внесением на утверждение Верх. Совіта СССР;

ж) нагороджат орденами СССР;

и) назначат и змінят высшых комендантов вооружены сил СССР;

к) в часі меже сессиями Верховного Совіта СССР объявлят войну в случаю воєнного нападу на СССР;

л) объявлят загальну и частичну мобилизацию;

м) ратификує международны договоры;

н) назначат и отзыват полномочных представителей СССР в заграничных державах;

о) принимат полномочия дипломатичных представителей заграничных держав.

Ст. 50. Совіт Союза и Совіт Национальностей выберат мандатны комиссии, котры провіряют полномочия депутатов каждой избы.

По представлению мандатной комиссии избы рішают або признати полномочия, або скасувати выборы поодинчых депутатов.

Ст. 51. Верховный Совіт назначат, коли он узнає за потребне, слідственны комиссии в якой угодно справі.

Всі институции и урядникы сут обязаны выполняти требования тых комиссий и предложити им потребны материялы и документы.

Ст. 52. Депутат Верховного Совіта СССР не може быти преданый суду або арестованый без згоды Верховного Совіта, а вчасі, коли ніт сессии Верховного Совіта СССР, без згоды Президиума Верх. Совіта. СССР.

Ст. 53. По уплыві полномочия або послі предчасного роспуска Верховного Совіта СССР Президиум Верховного Совіта СССР сохранят свои полномочия аж до утворенья нововыбраным Верховным Совітом СССР нового Президиума Верховного Совіта СССР.

Ст. 55. Нововыбраный Верховный Совіт СССР созыватся Президиумом Верховного Совіта СССР попередного состава не позднійше, як місяц послі выборов.

Ст. 56. Верховный Совіт СССР выбират на совмістном засіданню обох изб Правительство СССР — Совіт Народных Комиссаров СССР.

ГЛАВА ІѴ.

Найвысшы Органы Державной Власти Союзных Республик.

Ст. 57. Найвысшым органом державной власти Союзной республикы являєся Верховный Совіт Союзной республикы.

Ст. 58. Верховный Совіт Союзной республикы выбираєся гражданами республикы на 4 рокы.

Нормы представительства установляются Конституциями союзных республик.

Ст. 59. Верховный Совіт Союзной республикы являєся єдинственным законодательным органом республикы.

Ст. 60. Верховный Совіт Союзной республикы:

а) Принимат Конституцию республикы и вносит в ню переміны згодно со Ст. 16 Конституции СССР’

б) утверджат Конституции находячыхся в єй составі автономных республик и опреділят границы их территории;

в) утверждат народно-господарский план и бюджет республикы;

г) має право амнистии и помилования граждан, осудженых судами Союзной республикы.

Ст. 61. Верховный Совіт Союзной республикы выбирає Президиум Верховного Совіта Союзной республикы в составі предсідателя Президиума Верховного Совіта Союзной республикы, його замістителей и членов Президиума Верховного Совіта Союзной республикы.

Полномочия Президиума Совіта Союзной республикы опреділяются Конституциом Союзной республикы.

Ст. 62. Для ведения засіданий Верховный Совіт Союзной республикы выбирає свого предсідателя и його замістителей.

Ст. 63. Верховный Совіт Союзной республикы творит Правительство Союзной республикы — Совіт Народных Комиссаров Союзной республикы.

ГЛАВА Ѵ.

Органы Державного Управления
Союза Совітскых Социалистичных Республик

Ст. 64. Найвысшым исполнительным и роспорядительным органом державной власти союза Сов. Соц. Республик являєся Совіт Народных Комиссаров СССР.

Ст. 65. Совіт Народных Комиссаров СССР издає постановления и роспоряджения на основі и в исполнение дійствуючых законов и контролює исполнение.

Ст. 67. Постановления и роспоряджения Совіта Народных Комиссаров СССР обовязуются на всей территории СССР.

Ст. 68. Совіт Народных Комиссаров СССР:

а) объєдинят и прямує роботу общесоюзных и союзно-республиканскых Народных Комиссариятов СССР и другых подчыненых йому господарскых и культурных институций.

б) принимат міры для осуществления народно-господарского плана, державного бюджета и для укріпления кредитно-грошевой системы;

в) принимат міры для обеспечения публичного порядка, для защиты интересов державы и охороны прав граждан;

г) дає обще руководство в области сношений с заграничными державами;

л) вызначат каждорочны контингенты граждан, подлягаючых призыву на дійствительну воєнну службу, руководит общом розбудовом вооруженых сил страны.

Ст. 69. Совіт Народных Комиссаров СССР має право в вопросах управления и господарства, отнесеных до компетенции СССР, приостановляти постановления и роспоряжения Совітов Народных Комиссаров Союзных республик и касувати приказы и инструкции Народных Комиссаров СССР.

Ст. 70. Совіт Народных Комиссаров назначатся Верховным Совітом СССР в составі:

Предсідателя Совіта Народных Комиссаров СССР;
Замістителя предсідателя Совіта Народных Комиссаров СССР;
Предсідателя Державной Плановой Комиссии СССР;
Предсідателя Комиссии Сов. Контроля’ Народных Комиссаров СССР;
Предсідателя Комитета заготовок;
Предсідателя Комитета по ділам штукы;
Предсідателя Комитета по ділам высшых школ.

Ст. 71. Правительство СССР або Народны Комиссары, к котрым зверненый запрос депутата Верховного Совіта СССР, обязаны до 3 дни дати устный або письменный отвіт в относительной избі.

Ст. 72. Народны Комиссары СССР завідуют отділениями державного управления, входячыми в компетенцию СССР.

Ст. 73. Народны Комиссары СССР выдают в межах компетенции относительных Народных Комиссариатов приказы и инструкции на основании и в исполнение дійствуючых законов, а также постановлений и роспоряжений Совіта Народных Комиссаров и провіряют их исполнение.

Ст. 74. Народны Комиссариаты СССР являются або общесоюзными або союзно-республиканскыми.

Ст. 75. Общесоюзны Народны Комиссариаты завідуют порученным им отділом державного управления на всей территории СССР непосредственно або через назначены ними органы.

Ст. 76. Союзно-республиканскы Народны Комисариаты завідуют порученным им отділом державного управления через Народны Комиссариаты такого же имени союзных республик.

Ст. 77. К общесоюзным Народным Комиссариатам належат Народны Комиссариаты:

Обороны;
Заграничных діл;
Заграничной торговли;
Путей сообщения;
Связи;
Водного транспорта;
Тяжелой промышленности.

Ст. 78. К союзно-республиканскым Народным Комиссариатам належат Народны Комиссариаты:

Пищевой промышленности;
Лісной промышленности;
Земледілия;
Зерновых и жывотноводческых совхозов;
Финансов;
Внутренной торговли;
Внутренных діл;
Юстиции;
Здравохранения.

ГЛАВА ѴІ.

Органы Державного Управления Союзных Республик

Ст. 79. Найвысшым исполнительным и роспорядительным органом державной власти Союзной республикы являєся Совіт Народных Комиссаров Союзной республикы.

Ст. 80. Совіт Народных Комиссаров Союзной республикы єст отвічательный перед Верховным Совітом Союзной республикы и йому має давати справоздания.

Ст. 81. Совіт Народных Комиссаров Союзной республикы издає постановления и роспоряжения на основі и в исполнение дійствуючых законов СССР и Союзной республикы, постановлений и роспоряжений Совіта Народных Комиссаров СССР и провірят их исполнение.

Ст. 82. Совіт Народных Комиссаров Союзной республикы має право приостановляти постановления и роспоряжения Совітов Народных Комиссаров автономных республик и касувати рішения и роспоряжения исполнительных комитетов совітов депутатов трудящыхся краєв, областей и автономных областей.

Ст. 83. Совіт Народных Комиссаров Союзной республикы назначат Верховным Совітом Союзной республикы в составі:

Предсідателя Совіта Народных Комиссаров Союзной республикы;
Замістителей предсідателя;
Предсідателя Державной плановой комиссии;
Народных Комиссаров: Пищевой промышленности, Легкой промышленности, Лісной промышленности, Земледілия, Зерновых и жывотноводческых совхозов, Финансов, Внутренной торговли, Внутренных діл, Юстиции, Здравохранения, Просвіщения; Містной промышленности, Громадского господарства, Социального обеспечения;
Уполномоченного Комитета заготовок;
Начальника Управления по ділам штукы,
Уполномоченных общесоюзных Народных Комиссариатов.

Ст. 84. Народны Комиссары Союзной республикы завідуют отділами державного управления, належачыми до компетенции Союзной республикы.

Ст. 85. Народны Комиссары Союзной республикы выдают в межах компентенции относительных Народных Комиссариатов приказы и инструкции на основі и во исполнение законов СССР и Союзной республикы, постановлений и роспоряжений Совіта Народных Комиссаров и Союзной республикы, приказов и инструкций союзно-республиканскых Народных Комиссариатов СССР.

Ст. 86. Народны Комиссариаты Союзной республикы являются союзно-республиканскыми або республиканскыми.

Ст. 87. Союзно-республиканскы Народны Комиссариаты завідуют порученным им ділом державного управления, подчиняючися як Совіту Народных Комиссаров Союзной республикы, так и относительному союзно-республиканскому Народному Комиссариату СССР.

Ст. 88. Республиканскы Народны Комиссариаты завідуют порученным им ділом державного управления, подчиняючися прямо Совіту Народных Комиссаров Союзной республикы.

ГЛАВА ѴІІ.

Найвысшы Органы Державной власти
Автономных Сов. Соц. Республик.

Ст. 89. Найвысшым органом державной власти Автономной республикы являєся Верховный Совіт АСССР.

Ст. 90. Верховный Совіт Автономной республикы выбираєся гражданами республикы на 4 рокы по нормам представительства, якы будут установлены Конституциом Автономной республикы.

Ст. 91. Верховный Совіт Автономной республикы являєся єдинственным законодательным органом АСССР.

Ст. 92. Кажда Автономна республика має свою Конституцию, увзглядняюючу особенности Автономной республикы и построєну в полной згоді с Конституциом Союзной республикы.

Ст. 93. Верховный Совіт Автономной республикы выбирає президиум Верховного Совіта Автономной республикы и назначат Совіт Народных Комиссаров Автономной республикы, згодно со свойом Конституциом.

ГЛАВА ѴІІІ.

Місцевы Органы Державной Власти.

Ст. 94. Органами державной власти в краях, областях, автономных областях, округах, районах, городах, селах, (станицах), деревнях, хуторах, кишлаках, аулах) являются Совіты депутатов трудящыхся.

Ст. 95. Краєвы, областны, автономных областей, окружны, районны, городскы, сельскы (станиц, деревень, хуторов, кишлаков, аулов) Совіты депутатов трудящыхся выбираются трудящымися края, области, автономной области, округа, района, города, села на два рокы.

Ст. 96. Нормы представительства в Совіты депутатов трудящыхся опреділяются Конституциями союзных республик.

Ст. 97. Совіты депутатов трудящыхся руководят роботом подчиненых им органов управления, обеспечуют охорону державного порядка, соблюдение законов и охорону прав граждан, осуществлят місцеве господарске и культурне строительство, установляют місцевый бюджет.

Ст. 98. Совіты депутатов трудящыхся принимают рішения и дают роспоряжения в межах прав, признаных им законами СССР и Союзной республикы.

Ст. 99. Исполнительными и роспорядительными органами краєвых, областных, автономных областей, окружных, районных, и городскых Совітов депутатов трудящыхся являются выбераны ними исполнительны комитеты в составі: предсідателя, його замістителей и членов.

Ст. 100. Исполнительным и роспорядительным органом сельскых Совітов депутатов трудящыхся в невеликых поселениях, згодно с Конституциями союзных республик, являются выбераны ними предсідатель и його замістители.

Ст. 101. Исполнительны органы Совітов депутатов трудящыхся подчинены прямо як Совіту депутатов трудящыєся, котрый их выбрал, так и исполнительному органу вышестоячого Совіта депутатов трудящыхся.

ГЛАВА ІХ.

Суд и Прокуратура.

Ст. 102. Правосудие в СССР осуществляєся Верховным Судом СССР, Верховными Судами союзных республик, краєвыми и областными судами, судами автономных республик и автономных областей, специяльными судами СССР, установлеными по рішению Верховного Совіта СССР, народными судами.

Ст. 103. Розбирательство діл во всіх судах происходит при участи народных засідателей, кромі случаєв, специяльно указаных законом.

Ст. 104. Верховный Суд СССР являєся найвысшым судебным органом. Верховному Суду СССР припоручаєся надзор за діятельностьом всіх судебных органов СССР и союзных республик.

Ст. 105. Верховный Суд СССР и специяльны суды СССР выбераются Верховным Совітом СССР на 5 літ.

Ст. 106. Верховны Суды союзных республик выбераются Верховными Совітами Союзных республик на 5 літ.

Ст. 107. Верховны Суды автономных республик выбераются Верховными Совітами автономных республик на 5 літ.

Ст. 108. Краєвы и областны суды, суды автономных областей выбераются краєвыми або областными Совітами депутатов трудящыхся або Совітами депутатов трудящыхся автономных областей на 5 літ.

Ст. 109. Народны суды выбераются гражданами района на основі всеобщого, прямого и ровного избирательного права при тайном голосованию на три рокы.

Ст. 110. Діло перед судом ведеся на языку союзной або автономной республикы або автономной области с обеспечением для лиц, не знаючых того языка, полного ознакомления с материялами діла через переводчика, а также права выступати на суді на родном языку.

Ст. 111. Розбирательство діл во всіх судах СССР открыте, о сколько законом не указаны исключения, с обеспением обвиняємому права на защиту.

Ст. 112. Судьи независимы и подчиняются тилько закону.

Ст. 113. Найвысший надзор за точным исполнением законов всіми Народными Комиссариатами и подчинеными им урядами, ровно як и поодинчыми урядниками, а также гражданами СССР, возлагатся на Прокурора СССР.

Ст. 114. Прокурор СССР назначатся Верховным Совітом СССР на 7 літ.

Ст. 115. Республиканскы, краєвы, областны прокуроры, а также прокуроры автономных республик и автономных областей назначаются Прокурором СССР на 5 літ.

Ст. 116. Районны прокуроры назначаются прокурорами союзных республик с утверждения Прокурора СССР на 5 літ.

Ст. 117. Органы прокуратуры осуществляют свои функции независимо от якых бы то ни было місцевых органов, подчиняются тилько Прокурору СССР.

ГЛАВА Х.

Основны права и обовязкы Граждан.

Ст. 118. Граждане СССР мают право на труд — право на получение гарантованой роботы с осплатом их труда отвітно до його скилькости и якости.

Право на труд єст обеспечене социалистичном организациом народного господарства, неуклонным ростом производительных сил совітского общества, отсутствием господарскых кризисов и отстранением безроботья.

Ст. 119. Граждане СССР мают право на отдых.

Право на отдых єст обеспечене укороченьем робочого дня для огромного большинства робочых до 7 годин, установлением каждорочных отпусков робочым и служащым с сохранением зароботной платы, предоставлением для обслуживания трудящыхся шырокой сіти санаториев, домов отдыха, клубов.

Ст. 120. Граждане СССР мают право на материальне обеспечение в старости, а также — в случаю болізни и утраты трудоспособности.

То право єст обеспечене шырокым розвитием социальной ассекурации робочых и служащых коштом державы, бесплатном медицинском помочом, передачом до ужитку трудящыхся широкой сіти курортов.

Ст. 121. Граждане СССР мают право на образование.

То право єст обеспечене всеобще-обовязковым начальным образованием, бесплатностью образования, включаючи и высше образование, системом державных стипендий громадному большинству учащыхся в высших школах, науком в школах на родном языку, организациом на заводах, в совхозах, машинотракторных станциях и колхозах бесплатного производственного, техничного и агрономичного обучения трудящыхся.

Ст. 122. Женщина в СССР має ровны права с мужчином во всіх областях господарской, державной, культурной и общественно-политичной діятельности.

Возможность осуществления тых прав женщин єст обеспечена предоставлением женщині ровного с мужчином права на труд, оплату труда, отдых, социальну ассекурацию и образование, державном охороном интересов матери и дитяти, предоставлением женщині при беременности отпусков с сохранением содержания, шырокой сітью родильных домов, дітскых ясел и садов.

Ст. 123. Ровноправность граждан СССР, независимо от их национальности, и расы, во всіх областях господарской, державной, культурной и общественно-политичной діятельности являєся непреложным законом.

Яке бы то ни было пряме або непряме ограничение прав або, наоборот, установление прямых або непрямых привилегий граждан в зависимости от их расовой и национальной принадлежности, ровно як и всяка проповідь расовой або национальной исключительности, або ненависти и пренебрежения — караются законом.

Ст. 124. В цілях обеспечения за гражданами свободы совісти церков в СССР отділена от державы и школа от церкви. Свобода отправления религийных культов и свобода антирелигийной пропаганды признася за всіми гражданами.

Ст. 125. Згодно с интересами трудящыхся и в цілях укріпления социалистичного строя гражданам СССР гарантуєся:

а) свобода слова,

б) свобода прессы,

в) свобода собраний и митингов,

г) свобода уличных шествий и демонстраций.

Тоты права граждан обеспечаются передоставлением трудящымся и их организациям типографий, запасов паперу, общественных будинков, улиц, средств связи и другых материальных условий, необходимых для их осуществления.

Ст. 126. Згодно с интересами трудящыхся и в цілях розвития организацийной самодіятельности и политичной активности народных масс, гражданам СССР обеспечуєся право объєдинения в общественны организации: профессиональны союзы, кооперативны объєдинения, организации молодежы, спортивны и оборонны организации, культурны, техничны и научны общества, а найбольше активны и сознательны граждане из рядов робочого клясса и другых верств трудящыхся объєдиняются в коммунистичну партию СССР, являющуся передовым отрядом трудящыхся в их борьбі за укріпление и розвитие социальлистичного порядка и представляючу руководяче ядро всіх организаций трудящыхся, як общественных, так и державных.

Ст. 127. Гражданам СССР обеспечуєся недотыкаємость личности. Никого не можна арестувати иначе як по постановлению суда або с санкции прокурора.

Ст. 128. Недотыкаємость помешканья граждан и тайна корреспонденции охороняются законом.

Ст. 129. СССР дає право убіжища чужым гражданам, котрых преслідуют за защиту интересов трудящыхся, або научну діятельность, або национально-освободительну борьбу.

Ст. 130. Каждый гражданин СССР обязаный соблюдати Конституцию Союза ССР, исполняти законы, блюсти дисциплину труда, честно относитися к общественному долгу, уважати правила социалистичного общежития.

Ст. 131. Каждый гражданин СССР обязаный оберегати и укріпляти общественну, социалистичну власность, як священну и недотыкаєму основу совітского строя, як жерело богатства и могущества родины, як жерело зажиточного и культурного жытья всіх трудящыхся.

Лица, котры посягают на общественну власность, являются врагами народа.

Ст. 132. Всеобща воинска повинность являєся законом.

Воинска служба в Рабоче-Селянской Красной Армии представляє почетный обовязок граждан СССР.

Ст. 133. Защита отечества єст священный долг каждого гражданина СССР. Зрада родины, нарушение присягы, переход на сторону врага, нанесение шкоды воєнной силі державы, шпионаж в пользу чужой державы — караются по всей строгости закона, як найтяжше злодіяние.

ГЛАВА ХІ.

Выборча Система.

Ст. 134. Выборы депутатов во всі Совіты депутатов трудящыхся: Верховный Совіт СССР, Верховны Совіты союзных республик, краєвы и областны Совіты депутатов трудящыхся, Верховны Совіты автономных республик, Совіты депутатов трудящыхся автономных областей, окружны, районны, городскы и сельскы (станицы, деревны, хутора, кишляка, аула) Совіты депутатов студящыхся — производятся выборцами на основі всеобщого, ровного и прямого выборчого права при тайном голосованию.

Ст. 135. Выборы депутатов являются всеобщыми: всі граждане СССР, котрым в року выборов исполнится 18 літ, мают право участвовати в выборах депутатов и быти выбраными, за вынятком умалишеных и лиц, осудженых судом с позбавлением выборчых прав.

Ст. 136. Выборы депутатов сут ровны: каждый гражданин має право выбирати и быти выбраным независимо от расовой и национальной принадлежности, віроисповідания, образовательного ценза, осідлости, социального походжения, маєткового положения и прошлой діятельности.

Ст. 137. Женщины мают право выбирати и быти выбраными наровні с мужчинами.

Ст. 138. Граждане, котры служат в рядах Красной Армии, мают право выбирати и быти выбраными наровні со всіми гражданами.

Ст. 139. Выборы депутатов являются прямыми: выборы во всі Совіты депутатов трудящыхся, начынаючи от сельского и городского Совіта депутатов трудящыхся аж до Верховного Совіта СССР, производятся гражданами непосредственно путем прямых выборов.

Ст. 140. Голосование при выборах депутатов являєся тайным.

Ст. 141. Кандидаты при выборах выставляются по выборных округах.

Право выставляти кандидатов обеспечуєся за общественными организациями и обществами трудящыхся: Коммун, партийными организациями, профессиональными союзами, кооперативами, организациями молодежы, культурными обществами.

Ст. 142. Каждый депутат обязаный давати выборцам справоздания зо свойой роботы и роботы Совіта депутатов трудящыхся и може быти в каждый час откликаный по рішению большинства выборцев в установленом законом порядку.

ГЛАВА ХІІ.

Герб, Флаг, Столица.

Ст. 143. Державный герб СССР состоит из серпа и молота на земной кулі, изображеной в лучах солнца и обрамленой колосьями, с надписом на языках союзных республик: “Пролетарии всіх стран, соединяйтесь!” Наверху герба єст пятиконечна звізда.

Ст. 144. Державный флаг СССР состоит из червеного полотна, с изображением на його верхном углу у древка золотого серпа и молота и над ними червеной пятиконечной звізды, обрамленой золотом каймом. Отношение шырины до длины 1:2.

Ст. 145. Столицом СССР являєся Москва.

ГЛАВА ХІІІ.

Порядок зміны Конституции.

Ст. 146. Конституцию СССР можна знінити лем по рішенню Верховного Совіта СССР, принятому большинством не меньше 2|3 голосов в каждой из його изб.




Выше мы помістили Проект Конституции Союза Совітскых Социалистичных Республик. Тот проект буде принятый Всесоюзным С’іздом Совітов при конці 1936 року. Перед його принятием он был напечатаный в десятках миллионов екзепларов на языках всіх народов Сов. Союза. Конституция так проста, зрозуміла, што жебы єй поняти, треба быти лем грамотным, знати чытати. Но коли в Сов. Союзі єст ище маленкий процент неграмотных, то и тоты можут чути, бо тот проект новой Конституции чытают и розберают в каждой избі читальни, в каждом клубі, говорят и передискуссовуют проект новой Конституции свойой народной, социалистичной державы. Каждый гражданин, каждый роботник и селянин, каждый колхоз, роботнича юния, має право внести свои поправкы в тот проект. Но тота нова Конституция Сов. Союза дає таку свободу гражданам державы, што ніт ниякых проектов от самых граждан, штобы пошырити гражданскы свободы в той конституции, а напротив, штобы ограничыти гдекотры свободы гдекотрым гражданам. Приміром возник спор граждан над проектом Конституции в ділі духовенства. Проект Конституции предвидит ровность духовенства, а гдекотры граждане не хотят признати духовенству ровного голоса при выборах правительства. Розумієся, што тота поправка принята не буде, бо духовенство в Сов. Союзі стратило свой политичный вплыв на народны массы, бо стратило свои привилегии в державі, каждый духовник лем такий самый гражданин, як всі иншы, насколько он честно трудится. А коли хоче жыти лем трудом другых, як привыкло жыти духовенство в буржуазных державах, то граждане отвертаются от такого духовника все больше и больше, и погорджуют ним. Голосы парудесят тысяч духовенства при голосах выше 100 миллионов сознательных граждан не можут выбрати ни одного кляссового представителя.

Нам треба знати, што кляссы в Сов. Союзі уж раз на все пропали, там, в той державі сут уж лем люде с ровным правом на труд и на жытя.

Того именно гдекотры заграничны роботникы не розуміют, а гдекотры учены не хотят розуміти, што совітске социалистичне общество, совітскы люде, граждане совітской державы не поділены уже на кляссы, што там ніт больше богатых и упривилегиованых клясс граждан, а всі граждане ровны.

И приміром буржуазны политикы и учены повідают о той новой совітской Конституции, што она не дає свободы, бо не признає партий, што лем там може быти свобода, где кажда партия може ставити своих кандидатов. Видно, што кто так говорит, то або не розуміє социализма, або попросту говорит фальшиво, штобы другым покрутити розум, бо:


В Сов. Союзі ніт партий.

Мы представили на початку, што то сут политичны партии в буржуазной державі, што партии, то нич инше, лем политичне орудие, при помочы котрого всякы кляссовы группы борются за власть, за свои групповы интересы и привилегии, за управление державом и єй богатством. Там, где ніт клясс, там непотребны никому ниякы партии, бо престає борьба клясс.

Фальшивы люде повідают, што в Сов. Союзі панує лем єдна партия, коммунистична, што лем она буде ставити кандидатов при выборах.

Перше, то не єст правда, што лем коммунистична партия буде ставити кандидатов при выборах, бо конституция говорит, што ставити кандидатов мают право всякы организации, робочы юнии, кооперативы, колхозы, и т. д. Кандидаты не мусят стояти в компартии.

Впрочем, ком. партия в Сов. Союзі перестала быти партиом в том смыслі, як мы розумієме партии в буржуазных державах, с хвильом, коли не стало там буржуазных партий, она стала лем руководительком, воспитательком народа. А с новом конституциом коммунисты мусят стати найбольше примірныма людми, бо лем приміром, жертвом для народа, можут быти дальше руководителями народа, покаль тот народ, при новой конституции, дойде ище до высшого степени розвития, коли уж му руководителя не буде треба.

С новом совітском Конституциом компартия в Сов. Союзі отказуєся от всякого насильного руководства в державі, а оставлят за собом лем якбы дорадчий голос. Нам треба знати, што ни Ленину, ни його ученикам не росходилося о власть длятого, штобы тоту власть тримати для свого величия, для свойой славы, для свойой корысти, свого взбогачения, и т. д. Єдно, о што росходилося Ленину, и росходится його ученикам, передовсім найліпшому його ученику, Сталину, автору новой Совітской Конституции — то лем о нове, справедливе устройство, о нову справедливу демократию для народных масс, для роботников и селян, для всього людства. Ленин предсказал тоту Конституцию. Не думал он, што народы Сов. Союза так скоро дозріют до той конституции, но он знал, што она буде дана. Он знал, што то не остатня конституция буде, а што с часом придут такы свободы, таке радостне, обыльне и культурне жытя для людства, што треба буде знов нову конституцию принимати. И чым дальше, то тота конституция людского жытя буде простійша и яснійша.

Мы видиме из того выше напечатаного проекта, што такой простой и ясной конституции дотепер ище не было, а мимо того она перевысшат всі другы конституции світа, потому што всі другы конституции мусіли так писати, штобы их потом могли толковати в интересі богатой кляссы, упривилегиованых групп. Мы видиме, што в тых старых конституциях можна каждый параграф толковати на всі бокы, но але в конці все так выйде, што богаты мают правду.

Совітска Конституция, одинока Конституция, в котрой каждый параграф можна толковати лем так, як он написаный, в интересі народа, бо она составлена в интересі народа. Зато она проста, ясна.

Нова Совітска Конституция, то историчный документ, переданый всему человічеству. От выпуска в світ того документа почался новый период в людском жытю, период правдивой демократии, нового сожытя людей и народов, новой свободы чоловіка.

Совітска Конституция — то передовсім план и программа нового жытя. Каждый роботник, каждый селянин, каждый чоловік должен перечытати и подумати над том новом конституциом, новом демократиом, котру принесла змученому человічеству Русска революция.




[BACK]