МАНИФЕСТ НАРОДНОГО КОНГРЕССА



До иммигрантов из Галичины, Карпатской
Руси и Буковины, пребываючых
в Соєдиненых Штатах

Дорогы Братя и Сестры!

По долгых и тяжкых трудах, поборюючи всякы перешкоды, представители организаций лемковскых, карпаторусскых и украинскых открывают сегодня одну из найкрасшых сторонок в истории нашой иммиграции в Соєд. Штатах.

Вспольными силами, по братскы, маючи в сердцах неугасаючы желанья стреміти до лучшого, — представители отбыли с успіхом Народный Конгресс.

Сталася велика річ. Первый раз в истории иммиграции зышлися зорганизованы группы, якы колиси, дякувати людям злой волі, не мали доброго слова одны для другых.

Люди — ріжных политичных взглядов. Люди — ріжных религий, Люди, што даже называют себе ріжно: украинці, лемкы, карпатороссы, руснакы, — знашли вспольный язык, порозумілися.

Всі они познали, што в теперішный час не можна зводити споры за назви. Всі они познали, што из тых споров не они корыстали, не трудовы массы, а ктоси инший, посторонный. И тому всі они вспольно, по братскы погодилися:

Соєдинитися в велику родину, штобы створити Народный Фронт, створити условия братской совмістной роботы, допомагати собі взаимно и вести вспольными силами борьбу за свои вспольны интересы, против своих вспольных ворогов.

Братя и Сестры!

Народный Конгресс выявил перед нами богато такого, чого мы не знали, або не могли зрозуміти. На практикі мы переконалися, як можут поруч себе находитися и радикальны роботникы и религийны; и тоты, што уважают себе за демократов, и тоты, што републиканцев поддержуют; и социялисты и большевикы и иншых переконань. Всі они по братскы вспольно радили, як допомочы братям, што загибают в краю под владом фашизма, польского, румунского, и чехословацкого.

Як треба єднатися с американскым рухом до борьбы с реакциом в сей краині.

Як єднатися с трудовым народом Америкы, поступовыми силами сей краины против фашизма взагалі и против фашистской небеспекы в сей краині в особенности.

Як треба єднатися с американскым рухом до борьбы за социальне обеспечение, за обеспечение на старость, котрого всім нам потребно.

Як боротися против агентов Герста, Гитлера, Муссолини такой серед нас, што часто прикрывают себе украинскым або русскым патриотизмом.

Во всіх тых справах царило єдинство. Всі мы виділи, што нам загрожує и радили, як перед том загрозом боротися. И всі представители на Народном Конгрсссі єдиноголосно рішыли: —

Подати друг другу рукы!

Соєдинити свои ряды ище моцнійше! Створити Народный Фронт и дійствовати вспольно на корысть нашых братов в краю, нас самых и нашых дітей тут, становити цілость прегрессивной частины американского народа!

Братя и Сестры!

Народный Конгресс — великий почин нового жытья на иммиграции. От ныні всі мы будеме ище лучше розуміти популярно пошыреный клич и його правдивость: —

В єдности сила!

И у нас може быти тота сила, мы єй маме, мы єй все мали, лем не все были з’єднаны, не все уміли ужывати тоту силу так, як треба было.

Не все мы знали, кто наш ворог и за што маме боротися. Бывали часы, коли нам показували нібы на нашых ворогов, але на ділі то были нашы друзя, а тоты, што показували нам на них як на ворогов, дійстно были и сут нашыми ворогами.

Народный Конгресс поклал тверды подвалины под велику народну будову. Але будова не докончена. Докончыти єй не можут одиницы, а треба громадом працувати и докончати тоту будову.

Народный Конгресс не претендує, што он уже об’єднал большинство иммиграции. Большинство иммиграции ище не об’єднано, ище дальше находится на роздорожу, ище дальше посварено. Большинство иммиграции ище не активно, або дійствує под вплывом своих власных ворогов.

Велика масса иммиграции ище не уяснила собі великого значения Народного Фронта, и хоц не против него, але не бере активной участи в його будові.

Народный Конгресс звертатся до тых братов с закликом:

Не стойте с боку, бертеся до великой и хосенной роботы!

Будуйте Народный Фронт!

Єднайтеся и другых кличте до єдности!

Свою з’єднану силу выкорыстайте для власной справы, для родной справы.

Най всяды лунає клич: проч с фашизмом, фашизм наш ворог!

Фашизм все один и тот самый, ци то он буде русский, украинский, польский, американский, ци німецкий!

Фашизм бідному народу несе террор, нужду, неволю!

Проч с войном, она шкодлива для бідного народа. Война несе смерть роботникам и селянам и великы зыскы для богачей.

Проч с гнетом, як национальным, так и социальным!

Мы хочеме свободы, хліба и мира! И мы будеме вспольно с другыми трудовыми народами боротися за нашы требованья.

Дорогы Братя и Сестры!

Не слухайте ворогов, знайомтеся с Народным Фронтом из документов Народного Конгресса.

Не слухайте коли вам скажут, што в Народном Фронті об’єдналися всі безбожникы.

Народный Фронт никому не перешкаджає вірити так, як йому диктує його совість и як он хоче, ани никого не заставляє вірити.

Не слухайте, коли вам скажут, што в Народном Фронті об’єдналися всі большевикы.

Народный Фронт никого не заставляє быти большевиком, або вызнавати программу Коммунистичной партии, як и не єст он противкоммунистичным.

Не слухайте, коли вам скажут, што Народный Фронт организуєся на приказ Москвы и для обороны Москвы.

Народный Фронт не єст просовітскым об’єдинением, як и не єст протисовітскым.

Программа Народного Фронта ясна, зрозуміла, и єй никто не сміє фальшувати.

Народный Фронт лемков, карпатороссов и украинцев предлагат:

Организовати постоянну помоч нашым братям в краю под Польшом, Чехословакиом и Румуниом в их усилиях добитися як социяльного, так и национального освобождения.

Народный Фронт против польского фашизма, против його союзников, украинского и русского фашизма.




[BACK]