JokesTitle
Дорогій свату, якъ ся мате — Я мыслю о Васъ въ каждой хвили — Ци сте мѣ здрави, ци дзябъ мате — Ци сте ся не барзъ постарѣли? — Я ищы дотля не женатый — Ужъ крижикъ минатъ мѣ четвертый — Не можу ниякъ сой добрати — Хоцъ я ужъ знате ближе смерти — Мамъ едну стару и богату — И едну бѣдну и молоду — Та й не знамъ щто мамъ выбрати, — Ци гроты ци уроду? — А жебысте знали свату — Якъ то теперъ въ старомъ краю — Якы кроѣ, якы строѣ — Ажъ ся паны позераютъ — Якъ ся дѣвкы прибераютъ — Наветъ вшыткы стары дѣвкы — Даютъ собѣ майткы шыти. . . И сподницю во три півкы — Така мода, што робити! И хоцъ знате часы тяжкы — Каждый лазѣкъ ма пѣнязѣ! — Хлопцѣ носятъ въ ухахъ бляшкы — И пютъ пиво просто зъ фляшкы — А откаль-же маютъ грошы — Нашы молодцѣ хорошы — Зарабяютъ якъ кто може — Но здоровя дай имъ Боже! — Робятъ мѣтлы березовы, — Вилы, граблѣ, цѣлкомъ новы, Цѣпы, прайникы, коцюбы — Не барзъ тонкы не барзъ грубы. — Еднымъ словомъ зробятъ вшытко, — Добри, стройно и не брыдко! — И продаютъ не дорого — Откаль берутъ матеріялъ? — Я не знамъ! Мѣ ничь до того! — А жнива досъ добры были — Хоцъ намъ было кусъ горяче — Але преця то естъ въ лѣтѣ — Не може быти иначе! — Пшеницѣ мамъ штыры мѣхы — А жыта зо три корыта — Зъ моей працѣ достъ мамъ втѣхы — Буде ѣсти все до сыта! — Ячменю мамъ лемъ зо жменю, — Бо два тыжнѣ былъ на слотѣ — Штомъ мавъ мати на панцакы — То зостало тамъ въ болотѣ. — Хвала Богу мамъ пшеницю — И овесъ на киселицю! — Дашто въ лѣсѣ сой заробю, — И такъ до нового добю. — Веце немамъ што писати — Будте здрави а на свята — Напиште и Вы до свата.
Сватъ.




Газда и циганъ идутъ зъ ярмарку до хыжѣ. — Небо ся хмаритъ — деси гырмитъ але ищи далеко. Блискатъ. Оба ся крестятъ за каждомъ блискавкомъ, циганъ и газда. Страшно имъ!

Знате што газдо — гваритъ циганъ — подме ся даде сховати передъ дожджемъ“, бо ужъ гнетъ буде ляло. — Вонъ гынъ сутъ копы сѣна — то буде добрѣ. Пришли ку копамъ! А ту якъ загырмитъ, ажъ ся земля трясе. Циганъ доразъ голову вложивъ до сѣна а решта грѣшного тѣла на верху. — Но тосъ ся сховавъ — гваритъ газда — лемъ голову? — Ано такъ — гваритъ циганъ — голова найважнѣйша, а въ решту най и перунъ трисне!

(from page 66)





ДАВНО А ТЕПЕРЬ.

За круля Саса — ѣчь, пій и попущай паса —

А за дзядка Юзка — притягай мотузка!




Ваньо: — Куме! — Чомъ не пьете кавы? Ци може не любите? —

Фецакъ: — Но, правда, же не люблю: бо то естъ дивный напитокъ: — Варятъ каву, жебы была чорна — а лѣютъ до ней молоко, жебы была бѣла. — Даютъ цикорію, жебы была горька — а потомъ засъ сыплютъ цукеръ — жебы была солодка. — Даютъ до ней лыжочку — а не ѣдятъ лыжочкомъ, лемъ пьютъ зъ горнятка. . . — Но, не хочу такой мѣшанины пити!





НОВЫ ЧАСЫ.

— Што то съ вами? Вчера весѣля, а вы сами ѣдете на ”гонимунъ“?

— Но, але жена сидитъ въ ”смокинкъ румъ“. . .




Майка Подпенку преѣхалъ автомобылъ и драйверъ сталъ, тай кричить:

— ”Ваць юрселфъ“. . .

— А што? Ищи назадъ поѣдешь, псѣй сыну?





ВЪ СУДЪ.

Судья: — Признайтеся! Я вамъ приведу 3 свѣдковъ, котры васъ тамъ видѣли!

Обв.: — Прошу пана судьи, я поставлю 50 свѣдковъ, котры мя тамъ не видѣли.

* *
*
* *
*
* *
*

— Я бесѣдую лемъ все тото, што думамъ. . .

— Зато такъ мало бесѣдуете. . .





МАШИННЫЙ ВѢКЪ.

— Слухай стара! Ци ся не ганьбишь? Тажъ на столѣ на палецъ пороху!

— Я зато ничъ не можу, бо машина до збераня пороху ся мѣ попсула...





ЧУЖОГО НЕ НАБЫЛЪ, СВОЕ СТРАТИЛЪ.

— Якто, же вашъ сынъ, куме, два роки служилъ при войску въ Бернѣ, а не научился по чешски?

— Тото байка, але и по русски забылъ. . .





НАШИ ДѢТИ.

— Мамо, дайте мѣ никля...

— Ид-же, идъ! Такій великій бойсъ, а не встыдаться про сити никля. . .

— Та дайте мѣ доляра. . .





НАДЪ ГРОБОМЪ.

Егомость бесѣдуютъ казаня надъ гробомъ ”. . . . И лишать двое дѣточокъ и молоду, 30 лѣтну вдову. . .

Вдова (заплакана):

29 лѣтню, прошу егомостя. . .





ВЪ СУДЪ.

— Высокій суде! — Я жадамъ отъ того, што мѣ его кара зламала ногу, 100 тысячъ отшкодованя!

— Ажъ тельо? — Вы думате, же я даякій милліонеръ?

— А ты думашь, же я стонога?!




[BACK]