FolkSongBord1
FolkSongFace
Ой верше, мой верше
Ужъ мѣ такъ не буде,
Ужъ мѣ такъ не буде,
Якъ мѣ было перше. . .
А теперь мѣ планно,
А теперь мѣ бѣда,
Бо сте мя выдали
За старого дѣда. . . .
Не годенъ робити
Не годенъ любити,
А на ночь му треба
Перину загрѣти.
Такого сивака
Шмарити до смѣтя —
Добрый до лежаня,
добрый до гмераня,
Але не до житя. . .
FolkSongBord2
”Пѣснею душа душѣ говоритъ“
(Русская пословица.)

А Боже, мой Боже
Што се набожекамъ,
Кьеды я се кьеды
Доброты дочекамъ.
Отца-маткы не мамъ,
За родину не дбамъ,
Отецъ-матъ глубоко,
Милый Богъ высоко.
И тамъ я ихъ будземъ
Жалостью жаловацъ,
Же ажъ ся имъ будутъ
Трупы розпадовацъ.

* * *

Въ кролицком парку, в кролицком парку
Три липкы,
Кролицкы хлопцѣ, кролицкы хлопцѣ
До биткы.

Билися они, въ суботу въ вечеръ
До рана,
При каждимъ еднимъ його дзевчина
Стояла.

Не бийся милый, не бийся милый
Не бийся,
На тѣ пугаръ винка, на тѣ пугаръ пивка
Напийся.

Не кцемъ винка, не кцемъ я пивка
Горко есть,
Про тебе мила, про тебе шельмо
Битка есть.

* * *

Пришла ми недѣля
Але ми не мила,
Бо на моѣмъ миломъ
Сорочка не бѣла.
Буду я ей прала
Въ зимѣ на морозѣ,
Буду ей качала
Въ стайни на порозѣ.
Зелена лѣщина
А я предъ ню йехавъ,
Плакала дзевчина
Якъ я ей понехавъ.

* * *

Ужъ ся похмарило
Буде певно ляло,
Буде ся дѣвчатко
Подъ губаньку пхало.
Дробный дожджикъ падатъ,
Милый кони глядатъ,
Тогды онъ ихъ найде
Якъ соненько зайде.
Жала бы я жала
Тотъ зеленый вівсикъ,
Жебы мѣ вывили
Той осени вѣнчикъ.
А якъ не въ осени,
То хоцъ на мясницѣ,
Най мѣ не рахуютъ
Рочкы парадницѣ.
А змерзла, я змерзла
Ажъ емъ посинѣла,
Накладъ милый огенъ
Жебымъ ся загрѣла.
Накладъ милый огенъ
Зъ зеленыхъ яличокъ,
Потече водиця
Зъ моихъ бѣлыхъ личокъ.
Яничку — кальвине
Якъ мы ся любиме,
Про отца, про матку
Розыйцъ се мусиме.
Якъ се розыйдземе
Такъ се и зыйдземе,
Якъ мы се любили
Такъ ся и будземе.

* * *

Фраеречко моя
Зъ за синього моря,
Пропивъ я ужъ съ тобовъ
Сивенького коня.
Сивенького коня
Та и бѣлу шкапку,
Волѣвъ емсой купицъ
На голову шапку.
Коникъ мой, коникъ мой,
Уздочка не моя,
Съ тамтой страны воды
Коханечка моя.
Дѣвчино, дѣвчино,
Малюваный крышталъ
Ябы Вера-Боже
Къ личку твому приставъ.
Рыжый коникъ, рыжый
Ма сивы копыта
Наверный го дѣвча,
Бо иде до жыта.
Якъ емъ жала ярецъ
Врѣзаламся въ палець,
Бомся призерала,
На милого танецъ.
Ужъ емъ любивъ штыри
Ищы мя не били,
Якъ полюбю пяту,
Буду бравъ заплату.
Якъ полюблю шесту,
Пиду до гарешту,
Якъ полюблю сему,
Возьму ей за жену.

* * *

Яре жито яре,
Озиме колося,
Парадный паробокъ,
А сиве волося.
Лабовскы паробцы
Велика парада,
Вороняче перко
За калапъ заклада.
Гей! голосе, голосе
Розыйдъ ся по лесе,
Ой, и по той долинѣ
Де мой милый пасе.
Ой! пасе онъ тамъ пасе,
Ажъ ся гора трясе,
Тай, не такъ бы ся трясла
Жебы я съ нимъ пасла.

* * *

Долина, долина,
Верхомъ яворина,
Повѣчъ ми миленька
Штосъ мѣ починила.
Не чинила я ти
Ани моя мати
Можешь сой Яничку,
Иншу поглядати.
Можешь поглядати,
Бо я сой ужъ нашла,
Бо я тя не буду
Оченьками пасла.

* * *

Любме мы ся любме,
Лемся не погубме,
Бо мы млады люде,
То намъ ганьба буде!
Летѣли журавли
Понадъ Михаловцы,
Чекайте дзевчата,
Заберутъ васъ вдовцы.
Летѣли журавли,
Еденѣ не мавъ пары
Лѣпшый младый вдовець
Якъ паробокъ старый.
Зажынай, зажынай,
А я буду косивъ,
А якъ доробиме,
То тя буду просивъ.

* * *

Подковечкы мои,
Аля, же ми аля,
Принюсъ я васъ принюсъ,
Вчера отъ коваля.
Власы мои власы,
Мои качурявци,
То мѣ васъ постригли,
Въ Сяночку на лавцѣ.
Не подобатъ мѣ ся,
Стайня и боиско,
Лемъ мѣ ся подобатъ
Шварне дѣвчатиско.
Штыри рочки волы.
Зо шугайомъ пасла,
Ажъ на пятомъ рочку,
Пригодонька зашла.
Пискай любку, пискай,
За ручку не стискай,
Бо ручка молода
Стискати ей шкода.
Знаме мы ся Ваню,
На своимъ писканю,
Най же намъ не женутъ,
Волы черезъ стайню.
Ой, а ты югасе,
Не пущай на наше,
Бо отъ нашой травы
Овечкы не здравы.

* * *

Лучка моя лучка,
Сама команичка,
Ктожъ мѣ ей покоситъ,
Кедъ не мамъ Яничка.
Возму я сой косу,
Тай сама покошу,
А тебе шугаю,
Просити не мушу.
Добре мѣ ся добре,
Той ночи водило,
Принюсъ мѣ миленькій,
Орѣшковъ цѣдило.
Гей, сама я сама,
Якъ въ стодолѣ слама,
Сама я едина,
Якъ въ поли калина.
Впало ми яблочко,
Зъ солодкой яблони,
Ужъ мѣ такъ не буде,
Якъ ми было влони.
Впало ми яблочко,
Зъ яблони до гати,
Подъ же ми миленькій
Помочи глядати.
Поѣду, ужъ иду
Зъ коничками на ночь,
А тобѣ дѣвчино
Щеслива: — добраночъ!

Собралъ: Ваньо Березина.



Спѣвамъ я си спѣвамъ але не весело,
Бо мое сердечко во мѣ скаменѣло.
А Боже мій Боже, яка я си теразъ?
Піду гори-доловъ, заплачу си неразъ.
Заплачу си неразъ, заплачу си не два,
Бо мой фраѣръ милый ничъ о мене не дбатъ!
Старамъ я ся старамъ, же стару маму мамъ,
Якъ они мѣ зомрутъ, я си рады не дамъ!
А Боже мій Боже, змилуй ся на домномъ,
Стануламъ на камѣнъ, покотился зо мномъ.
Покотился зо мномъ въ глубоку долину,
Ой Боже мій Боже, ужъ я ту загину.

* *
*
* *
*
* *
*

До дому, до дому способны дѣвочкы,
Бо ужъ нѣтъ на небѣ ни едной звѣздочкы,
Лемъ та една была, што ясно свѣтила
Бы ся млада челядъ дому розходила.
До дому, до дому кажда ку свойому,
А я небожатко, я не мамъ ку кому.
Няня, мамы не мамъ, за родину не дбамъ,
Отецъ, мать глубоко, милый Богъ высоко.
Тамъ си я имъ буду бѣдна жалувати,
Же ажъ ся имъ будутъ трупы розпадати!

* *
*
* *
*
* *
*

За стодоломъ гуси пасла — Назберала дѣжку масла.
Дѣжку масла, дѣжку сыра, — Тай си хлопцѣвъ запросила.
Ѣчте хлопцѣ и мачайте, — А за решту выбачайте.
Хлопцѣ ѣли и мачали, — А за решту выбачали.

* *
*
* *
*
* *
*

Коситъ заяцъ отаву, — Мушка заграбуе,
Комаръ носитъ на купку, — Мушка придоптуе,
Комаръ мушку зачепятъ — Радъ бы ся женити,
Овадъ скірнѣ обуватъ — Радъ-бы дружбомъ быти.
А совята небожата, — По свѣтлици цупъ, цупъ!
А совиска, небожыска, — Очысками лупъ, лупъ!
А совята небожата — Пішли танцувати,
А совиска небожыска — Пішли пробувати.
Якъ ся совы попили, — То комара забили.
Комаръ лежитъ въ коморѣ, — Братья плачутъ на дворѣ.
А вы братья не плачте — Комаръ вамъ ожіе,
Легке его забитья — Легке его житья. —

* *
*
* *
*
* *
*

Ой кьебы я мала шугая югаса,
Бы ся мѣ здавало, же я ужъ найкрасша. . . .
Ой кьебы я мала шугая Яничка,
Бы ся мѣ здавало, же я урядничка.
Вершкомъ, шугай, вершкомъ, а я піду стежкомъ,
Тамъ мы ся зыйдеме подъ зеленымъ вершкомъ,
Вершкомъ шугай вершкомъ, а я піду крайомъ,
Тамъ мы ся зыйдеме подъ зеленымъ гайомъ. . . .

* *
*
* *
*
* *
*

А пониже Выдрянокъ, дѣвки ся купали,
На зеленыхъ вербинкахъ фартушкы вѣшали.
Ой, а тоты фартушкы съ бѣлыма краями,
Ой, а тоты дѣвчата съ чорными очами.
Ой кьебы чорны очка въ крамѣ продавали
Ой то я бымъ купила свому шугайови.
Але, же чорны очка въ крамѣ не продаютъ,
Бо и сами крамаре чорны очка маютъ. . .
Ищи бымъ му купила перстеникъ на палецъ,
Жебы сой го заложылъ якъ мя возне въ танецъ..





[BACK]