ОТДѢЛЪ ЛЕМКОВСКОГО СОЮЗА
ВЪ ЕДСОНЪ, АЛЬТА.

EdsonAlta

Колонія нашихъ русскихъ лемковъ на Едсонъ, Альберта, Канада — сохранила свою народну старокраеву чистоту. — Коли наши колонисти по великихъ промысловыхъ мѣстахъ Америки тратятся совсѣмъ межи чужими людьми, забываютъ свое племя, свою русску народность, свой народный обовязокъ.

Коли почалася наша народна организація, то едсонски лемки одни изъ первыхъ одозвалися. И то не такъ одозвалися, якъ много изъ нашихъ плейзовъ, што по первомъ митингѣ затихли. Така ”робота“ лемъ отбератъ охоту. — Наши едсонски лемки жіютъ душевно организаціей ”Лемковскій Союзъ“, вѣрятъ въ будучность той организаціи, бо вѣрятъ въ будучность своего народа.

Не думайте, што ихъ тамъ есть велика колонія! Нѣтъ, лемъ пару родинъ, переважно эмигрантовъ изъ Королевы русской. Але зато всѣ они въ Лемковскомъ Союзѣ не лемъ старши, але и дѣти, ужъ въ Канадѣ рождены. Але всѣ тоты дѣти жіютъ русскимъ душевнымъ житьемъ, жіютъ тѣмъ самымъ, чѣмъ жіютъ ихъ родичи. За свою народность, за свою русско-лемковску бесѣду, они готовы каждому очи выдерти.

Едсонъ, то наша примѣрна, лемковска колонія. Коли бы каждой нашой колоніи лежала на сердцѣ своя народность, своя организація, якъ нашой колоніи на Едсонъ мы творили бы чуда въ народной роботѣ. Не любиме мы хвалити никого, а нашу Едсонску колонію похвалити мусиме.

На той фотографіи цѣла она, тота наша маленка, але перша, што до народной сознательности, колонія.

Тамъ межи ними и нашъ лемковскій патріярхъ г-нъ Гербутъ и Дроздяки и Сливы и ихъ тверды, завзяты дѣти.




[BACK]