Чомъ Ся Сватъ Нашъ Не Оженилъ? — Вашъ Сватъ

Жебы няньо добры были,
Были бы мя оженили!
Просилъ бымъ всѣхъ на весѣля
Зъ Вапенного и Роздѣля,
Кума Васка, кума Демка,
Ваня, редактора «Лемка»:
То за дружбовъ — то за сватовъ,
Было-бъ на што позерати —
Шумна была бы гостина,
Подъ достаткомъ пива, вина,
Монопольовой палюнки,
Сала, кобасы и шунки;
Коровай и кныши бѣли:
Попили бы и поѣли
Мои гости!. . . Ай музыка
Была бы ажъ зъ Вороблика —
Ци великій — то малый
Вшитки бы потанцували —
Ци великій — ци то малый
Же ажъ бы ихъ брали кольки!. . .

* *
*

Та пропало! Все презъ няня —
Не хце ити жадна за ня:
Ани Кася — ни Парася,
Ни Горпина — ни Фрузина. . .
Чловекъ зосталъ якъ на ледѣ —
И не знамъ ужъ што робити —
Хиба-ль ити до Репедѣ
И тамъ ся ужъ оженити. . .

Вашъ Сватъ.



[BACK]