Якъ Панько Бавилъ Янкля — Грицъ Смеречокъ
Пришолъ Панько до корчмы
Файку закурити
Побесѣдовати съ кумами
Порційку выпити. . .
А жидѣвка, стара Сура
Барзъ ся увивала
И своихъ костумеровъ
Щиро честувала. . .
Лемъ ей сынокъ, малый Янколь
Почалъ верещати
Нашой Сурѣ у работѣ
Зачалъ перескаджати
Погласкала Сура Панька:
— Ну, сусѣде Паньку:
Забавьте но, будьте ласка,
Вы моего Янку. . .»
Тотъ згодился, тай до Яекля
Ся зачалъ смѣяти,
А жиденя ищи лѣпше
Стало верещати. . .
«Ты погане, недовѣрку»,
До жидяте рече:
«Ты нехристе, паскуднику,
Та чого такъ бечишь?!»
Якъ почула стара Сура,
Скоро прилетѣла
И очиска, якъ цибулѣ
До Панька влѣпила:
— Ну, вы Паньку файно знате
Дитину бавити
Ктожъ то видѣлъ мого Янкля
Такъ брыдко ганити!

Передалъ Гриць Смеречокъ.



[BACK]