NewYear1930
Не выдусили насъ всѣхъ каты
И не выссали намъ кровь!
Якъ были наши Карпаты,
Такъ будутъ во вѣкъ-вѣковъ!
На нашой Землѣ Святой
Жіеме Тысячъ Лѣтъ;
И кто може сказати,
Же русскихъ лемковъ нѣтъ?
Всьо свое маме, якъ и други:
Свои звычаи и бесѣду
И свои гуньки, свои чуги
Свои «спѣванки» — свою бѣду,
Свои Кичеры и Ростоки
И свою брындзю и свой сыръ,
Жбыры, паріи и потоки
И киселицю и свой чыръ. . .
Руснаки мы зъ дѣда прадѣда
Будеме ажъ до смерти
Дорога намъ Русска Бесѣда,
Не даме ей вы дерти!
Не зѣли насъ мадьяре
Ни нѣмцы-австріяки. . .
Не згрызутъ целибатяре
Ни инши гайдамаки.
Культура наша небогата,
Бо сме въ неволи ся родили,
Ай теперь нашого брата
Новы панове присѣли. . .
Але мы ся не дайме!
Лемъ тримаймеся разомъ,
Най згода меже нами
Буде того доказомъ!
Вразъ будеме тримати,
То насъ никъ не росшарпатъ:
Една Русь наша Мати
По обохъ странахъ Карпатъ!

Сватъ.



[BACK]