ПРИВІТ ОТ Л.С. Ч. 3.
ДЕТРОЙТ, МИЧ.

Л.С. ч. 3. ДЕТРОЙТ, МИЧИГАН.

Мы, члены Лемко-Союза ч. 3. и читателі газеты “Лемко”, шлеме наш сердечный привіт Карпаторусскому Американскому Центру и всім присутным в том Народном Домі в часі його открытия, а также його урядникам и роботникам, котры потрудилися при той будові, и всім фундаторам и пионерам первой нашой Народной Будовы. Они тым ділом увінчали десятлітный юбилей труда Лемко-Союза для просвіщения и культурного поднесения нашого народа.

Мы ту, в Детройт, тоже радуємеся тому, што мы дожили того Карпаторусского торжества на емиграции и мы празднуєме тот юбилей разом з вами. Мы твердо віриме в ліпшу будучность нашого народа и в дальший и ліпший успіх нашой организации при Карпаторусском Центрі. Мы тоже віриме, што и тота часть нашой емиграции, котра ище не группуєся при Лемко-Союзі, скоро порозуміє, што в народной єдности сила народа, и што Лемко-Союз, то єдна-єдина наша организация, котра повстала из народа и длятого лем она репрезентує наш народ и його розуміє, и лем єдна она поднесла наш народ культурно, ровнат го з другыми культурными народами.

Правда, за тых 10 літ робота Лемко-Союза не была легка, бо культурно-просвітительна робота среди заотсталого народа дуже трудна. Но тепер, послі 10 літ той трудной роботы, мы скоршым темпом пойдеме вперед, бо за 10 літ Лемко-Союз научил нас интересуватися не лем своим народом, але и всім тым, што дієся коло нас. Най жиє Лемко-Союз!


КОМИТЕТ Л.С. ч. 3.
DetroitEnd

[BACK]